హీరోయిన్ అవుదామని ఇండస్ట్రీకి వచ్చి పదుల సంఖ్యలో సినిమాలు చేసి, నటించిన అన్నీ సినిమాల్లో అందాలు ఆరబోసినా అదృష్టం అచ్చిరాక.. కొన్నాళ్లు ఇండస్ట్రీని వదిలేసి “జబర్డస్త్” అనే కామెడీ షోతో యాంకర్ గా రీఎంట్రీ ఇచ్చిన రష్మీ గౌతమ్ ఆ తర్వాత మళ్ళీ వెనక్కి తిరిగి చూసుకోవాల్సిన అవసరం ఏర్పడలేదు. ఇక అమ్మడు అందాల ప్రదర్శన విషయంలో పరిమితులు దాటేసి రెచ్చిపోయిన “గుంటూరు టాకీస్” ఏ స్థాయి సెన్సేషన్ క్రియేట్ చేసిందో ప్రత్యేకించి చెప్పాల్సిన అవసరం లేదు. అయితే.. ఆ తర్వాత మళ్ళీ చాలా సినిమాల్లో అందాలు అదే విధంగా ఆరబోసి, ఎంత సెక్సీగా కనిపించినా పెద్దగా వర్కవుట్ అవ్వలేదు రష్మీకి.
అయితే.. చాన్నాళ్ల తర్వాత మళ్ళీ “అంతకు మించి” అంటూ ప్రేక్షకుల ముందుకు వస్తోంది. అందరూ కొత్తవాళ్లే నటిస్తున్న ఈ చిత్రం ఆగస్ట్ 24న విడుదలకానుంది. ఎప్పట్లానే ఈ చిత్రంలో “అంతకు మించి”న అందాల ప్రదర్శన ఇచ్చి పోస్టర్స్ తో జనాల్ని థియేటర్లకు రమ్మని పిలుస్తోంది. హారర్ నేపధ్యంలో తెరకెక్కిన ఈ సినిమా కూడా ఫెయిల్ అయితే.. ఇక అమ్మడు సినిమాలకు మళ్ళీ ఫుల్ స్టాప్ పెట్టి తనకు మంచి పేరుతోపాటు, పేమెంట్ కూడా వస్తున్న కామెడీ షోస్ చేసుకుంటూ ఉండడమే.
