Rashmika, Samantha: అమ్మలా రక్షించుకోవాలనుంది : రష్మిక

స్టార్ హీరోయిన్ సమంత గురించి కొన్ని ఆసక్తికర వ్యాఖ్యలు చేసింది రష్మిక మందన్నా. అనారోగ్యంతో బాధపడుతున్న సమంతకు అమ్మలా మారి కాపాడుకోవాలనుందని ఆమె చెప్పడం విశేషం. సమంత ఎంతోమందికి స్ఫూర్తినిచ్చే స్త్రీ మూర్తి అని ఆమెపై ప్రశంసలు కురిపించింది రష్మిక. తన కొత్త సినిమా ‘వారసుడు’ ప్రమోషన్స్ లో భాగంగా మీడియాకు ఇచ్చిన ఇంటర్వ్యూలో రష్మిక ఈ కామెంట్స్ చేసింది. సమంత మాయోసైటిస్ అనే వ్యాధికి గురైన సంగతి తెలిసిందే.

ప్రస్తుతం ఈ వ్యాధికి సంబంధించిన ట్రీట్మెంట్ తీసుకుంటుంది సమంత. అయితే ఆమెకి మాయోసైటిస్ ఉందనే విషయం సమంత అనౌన్స్ చేసినంత వరకు తనకు తెలియదని చెప్పింది రష్మిక. సమంత తనకు మంచి స్నేహితురాలే అయినప్పటికీ.. గతంలో మాయోసైటిస్ గురించి తమ మధ్య ఎప్పుడూ ప్రస్తావన రాలేదని చెప్పింది రష్మిక. ఇలాంటి పరిస్థితుల్లో ఒక అమ్మలా మారి సమంతను కాపాడుకోవాలనుకుంటున్నానని.. ఆమెకి తోడుగా నిలవాలనుందని రష్మిక తెలిపింది.

జీవితంలో ఎన్నో ఆటుపోట్లు ఎదుర్కొన్న వ్యక్తి నుంచి అందరూ స్ఫూర్తి పొందుతారని.. ఆ విధంగా తాను కూడా సమంత నుంచి స్ఫూర్తి పొందుతానని రష్మిక వెల్లడించింది. తాను ఎంతగానో ఇష్టపడే సమంతకు ఇకపై అంతా మంచి జరగాలని కోరుకుంటున్నట్లు చెప్పింది. ఇదే ఇంటర్వ్యూలో విజయ్ దేవరకొండతో మరో సినిమా చేసే అవకాశం ఉందా..? అనే విషయం గురించి మాట్లాడింది. తమ కాంబినేషన్ లో మరో సినిమా కోసం అభిమానులు ఎదురుచూస్తున్నారని..

వారి కోరికను మన్నిస్తూ తామిద్దరం కలిసి మరో సినిమా చేస్తామని రష్మిక తెలిపింది. విజయ్ పనితనం తనకు నచ్చుతుందని.. అతడితో కలిసి వర్క్ చేయడాన్ని ఎంజాయ్ చేస్తానని చెప్పుకొచ్చింది. మంచి కథ సెట్ అయితే తమ కాంబినేషన్ లో సినిమా వస్తుందని వివరించింది.

బటర్ ఫ్లై సినిమా రివ్యూ& రేటింగ్!
2022లో అలరించిన తెలుగు సినిమాలు ఇవే!

ఇప్పటవరకూ ఎవరు చూడని శ్రీలీల రేర్ ఫోటో గ్యాలరీ!!
‘ఖుషి’ పవన్ ఫ్యాన్స్ కు ఒక డ్రగ్ లాంటిది..రీ రిలీజ్ లో ఎందుకు చూడాలి అంటే..?