మీసం తిప్పుతూ రెచ్చిపోతున్న మాస్ మహారాజా..!

January 5, 2021 / 06:31 PM IST

Join Us

మీసం తిప్పుతూ రెచ్చిపోతున్న మాస్ మహారాజా..!

సంక్రాంతికి రిలీజవుతున్న మాస్ మహారాజా రవితేజ సినిమాపై ఇప్పుడు ఫ్యాన్స్ భారీ అంచనాలు పెట్టుకున్నారు. మలినేని గోపిచంద్ డైరెక్షన్ లో వస్తున్న హ్యట్రిక్ సినిమా కావడంతో అందరిలోనూ ఆసక్తి కలుగుతోంది. అంతేకాదు, రవితేజ పవర్ ఫుల్ పోలీస్ ఆఫీసర్ గా పోతరాజు శంకర్ గా సినిమాలో తన మాస్ డైలాగ్స్ తో ఫ్యాన్స్ ని ఊరిస్తున్నాడు. మీసం తిప్పుతూ విక్రమార్కుడు సినిమాలో విక్రమ్ రాథోడ్ ని తలపిస్తున్నాడు. సముద్రఖని, వరలక్ష్మీ శరత్ కుమార్ లో విలనిజం కూడా సినిమాలో హైలెట్ గా నిలవబోతోంది.

ఈ విలన్స్ ని ఎదుర్కునే క్రమంలో పోలీస్ ఆఫీసర్ అయిన శంకర్ ఎలాంటి ఎత్తులు వేశాడు. వాళ్ల ఆగడాలని ఎలా అరికట్టాడు అనేది వెండితెరపై ఒక రేంజ్ లో చూపించబోతున్నాడు. అందుకే, ఇప్పుడు మాస్ రాజా ఫ్యాన్స్ అందరూ కూడా విక్రమ్ రాథోడ్ ని పోతరాజు శంకర్ ని ఇద్దరినీ పోలుస్తూ ఫోటోలని వైరల్ చేస్తున్నారు. ఈ క్రాక్ సినిమాతో మరోసారి రవితేజ హిట్ కొట్టడం పక్కా అంటూ కామెంట్స్ చేస్తున్నారు. ఈ విషయం పక్కనబెడితే, ఈ సినిమాకి రెండు తెలుగు రాష్ట్రాల్లో విపరీతంగా బిజినెస్ అవుతోంది.

ఇప్పటికే ప్రీరిలీజ్ బిజినెస్ కుమ్మేశాడని టాక్. ఇక సంక్రాంతి పండక్కి ఒక్కరోజు ముందే థియేటర్స్ లో రవితేజ సందడి చేయబోతున్నాడు. రెడ్ సినిమా, అల్లుడు అదుర్స్ సినిమా పోటీగా వస్తున్నా కూడా పండక్కి మాత్రం రవితేజ పక్కా మాస్ ఎంటర్ టైన్ ఇవ్వడం పక్కాగానే కనిపిస్తోంది.