మాస్ మహారాజ్ రవితేజ అభిమానులతో మరింత అందుబాటులో ఉండేందుకు సోషల్ మీడియాలోకి అడుగుపెట్టారు. ఈరోజు ట్విట్టర్ లో రవితేజ అఫీషియల్ అనే పేరుతో ఖాతాని తెరిచారు. “ట్విట్టర్ ప్రపంచంలోకి అడుగుకు పెట్టాను. మీతో టచ్ లో ఉంటాను” అంటూ తొలి ట్వీట్ చేశారు. అభిమాన హీరో సోషల్ మీడియాలో అడుగుపెట్టగానే ఫ్యాన్స్ ఆనంద పడిపోయారు. వెంటనే ఫాలోఅవ్వడం మొదలు పెట్టారు. గంట కూడా పూర్తికాకముందే వెయ్యిమంది రవితేజ ని ఫాలో అయ్యారు. ఇక సినీ ప్రముఖులు మాస్ మహారాజ్ కి స్వాగతం చెప్పారు.
మిమ్మల్ని ఇక్కడ చూడడం చాలా ఆనందంగా ఉందని డైరక్టర్ హరీష్ శంకర్ ఆనందం వ్యక్తం చేయగా, మ్యూజిక్ డైరక్టర్ తమన్ మాత్రం కిక్ ఎనర్జీకి స్వాగతం అంటూ ట్వీట్ చేశారు. స్వాగతించిన వారిలో బీవీఎస్ రవి, డైరక్టర్ మెహర్ రమేష్, ఫిట్ బ్యూటీ రకుల్ ప్రీత్ సింగ్ తదితరులున్నారు. వీరందరికీ రవితేజ థాంక్స్ చెప్పారు. ఈ పేజీ డిస్ ప్లే పిశ్చర్ గా మిరపకాయ్ సినిమాలోని లుక్ ని రవితేజ పెట్టినందుకు దర్శకుడు హరీష్ శంకర్ కృతజ్ఞతలు తెలిపారు. ఇక మాస్ మహారాజ్ ట్విట్టర్ ఖాతా తెరవగానే బాలీవుడ్ బిగ్ బీ అమితాబ్ బచ్చన్ ని ఫాలో అయి తన అభిమానాన్ని చాటుకున్నారు.
Also, do SUBSCRIBE to our YouTube channel to get latest Tollywood updates.
