ఒక్కోసారి సినిమా సపోర్టింగ్‌ ఆర్టిస్ట్‌ల లైనప్‌ వల్ల కూడా ఆసక్తిరేకెత్తిస్తుంటుంది. స్టార్‌ హీరో పక్కన సరైన క్యారెక్టర్‌ ఆర్టిస్ట్‌లు పడితే ఆ సినిమా ఓ లెవల్‌లో ఉంటుంది. తాజాగా అలాంటి స్టార్‌ క్యాస్ట్‌ రవితేజ ‘ఖిలాడీ’కి సెట్‌ చేస్తున్నారు. రమేశ్‌ వర్మ దర్శకత్వంలో తెరకెక్కుతున్న ఈ సినిమాలో ఇప్పటికే యాక్షన్‌ కింగ్‌ అర్జున్, బుల్లితెర అందం అనసూయ ఉన్నారు. తాజాగా తమిళ వుడ్‌ నుంచి మరో ఇద్దరిని తీసుకొస్తున్నారు. అంతేకాదు వాళ్ల పాత్రలు కూడా ఆసక్తికరంగా ఉండబోతున్నాయట.
తమిళం, తెలుగులో ఫేమ్‌ సంపాదించుకున్న శరత్‌ కుమార్‌, ఉన్ని ముకుందన్‌ రవితేజ ‘ఖిలాడీ’లో కీలక పాత్రలు చేస్తున్నారట. సినిమాలో శరత్‌ కుమార్‌ హోం మినిస్టర్‌గా కనిపించనుండగా, రవితేజ స్నేహితుడి పాత్రలో ఉన్ని ముకుందన్‌ నటిస్తాడట. ఈ రెండూ పాత్రలు సినిమాలో కీలకంగా నిలుస్తాయని చిత్రబృందం చెబుతోంది. 40 శాతం చిత్రీకరణ పూర్తి చేసుకున్న ఈ సినమా ఇప్పుడు హైదరాబాద్‌లోనే జరుగుతోంది. త్వరలో ముంబయిలో చిత్రీకరణ ఉంటుందట. మూడేళ్లుగా సరైన విజయం కోసం ఎదురుచూస్తున్న రవితేజ ‘క్రాక్‌’తో త్వరలో ప్రేక్షకుల ముందుకు రానున్నాడు.
ఆ తర్వాత ‘ఖిలాడీ’ వస్తుంది. ఈ లెక్కన విజయం కోసం అన్ని వైపులా మోహరిస్తున్నాడు మాస్‌ మహారాజ్‌. సరైన దర్శకుడు, కథ సిద్ధం చేసుకొని ప్రయత్నిస్తే విజయం తథ్యం. గోపీచంద్‌ మలినేని ఆ విజయం ఇచ్చి, రమేశ్‌ వర్మ దానిని కొనసాగించాలని ఆశిద్దాం.
Most Recommended Video
2020 Rewind: ఈ ఏడాది సమ్మోహనపరిచిన సుమధుర గీతాలు!
కొన్ని లాభాల్లోకి తీసుకెళితే.. మరికొన్ని బోల్తా కొట్టించాయి!
2020 Rewind: ఈ ఏడాది డిజాస్టర్ సినిమాలు ఇవే..!
