రామ్ గోపాల్ వర్మ దర్వకత్వంలో చాలాకాలం తర్వాత నాగార్జున ఆఫీసర్ అనే మూవీ చేస్తున్నారు. ఈ మూవీ మొదట నుంచి ఆసక్తిని రేకెత్తిస్తోంది. శివ మ్యాజిక్ రిపీట్ అవుతుందని అందరూ ఆశిస్తున్నారు. అందుకే వేసవి సీజన్ ముగిసే లోపు రిలీజ్ చేసి మంచి కలక్షన్స్ అందుకోవాలని నాగ్ అనుకున్నారు. మే చివరన అంటే 25 వ తేదీన ఆఫీసర్ గా వస్తున్నట్లు ప్రకటించారు. ఆ రోజు ఏ సినిమా రిలీజ్ కాకుండా ఉండాలని భావించారు. అయితే అదే రోజు నేనున్నానంటూ రవితేజ సిద్ధమవుతున్నారు.
కళ్యాణ్ కృష్ణ దర్శకత్వంలో రవితేజ నేల టికెట్ సినిమా చేస్తున్నారు. ఈ మూవీని కంప్లీట్ చేయడానికి చిత్ర బృందం రెస్ట్ తీసుకోవడం లేదు. మే 25 న ఎలాగైనా రిలీజ్ చేయాలనీ ఫిక్స్ అయ్యారు. దీంతో నాగ్ మూవీ కలక్షన్స్ ని నేల టికెట్ కొంతమేర దెబ్బతీస్తుంది. ఇప్పటికీ పోటీ బాగా ఉంటే వీరి మధ్యలోకి కల్యాణ్ రామ్ వస్తున్నారు. జయేంద్ర దర్వకత్వంలో తెరకెక్కుతోన్న నా నువ్వే మూవీలో తమన్నా జంటగా నటించింది. ఈ చిత్రాన్ని మే 25 న విడుదల చేయడానికి సన్నాహాలు చేస్తున్నారు. ఇలా నాగ్ ఆలోచనకి రవితేజ, కళ్యాణ్ రామ్ లు అడ్డుగా మారారు.
