మాస్ మహారాజా రవితేజ రిజల్ట్ తో సంబంధం లేకుండా వరుస సినిమాలు ఒప్పుకుంటున్నారు. ఇటీవల ఆయన నటించిన ‘రామారావు ఆన్ డ్యూటీ’ సినిమా ప్రేక్షకుల ముందుకొచ్చింది. మోస్తరు అంచనాలతో విడుదలైన ఈ సినిమా డిజాస్టర్ అయింది. హిట్టు, ప్లాప్ తో సంబంధం లేకుండా రవితేజకి వరుస అవకాశాలు వస్తున్నాయి. ప్రస్తుతం ఈ హీరో ‘ధమాకా’, ‘టైగర్ నాగేశ్వరరావు’, ‘రావణాసుర’ వంటి సినిమాల్లో నటిస్తున్నారు. ఈ సినిమాలన్నీ కూడా షూటింగ్ దశలోనే ఉన్నాయి.
త్వరలోనే ఇవన్నీ ప్రేక్షకుల ముందుకు రానున్నాయి. వీటితో పాటు రవితేజ మరో సినిమా ఒప్పుకున్నారు. సినిమాటోగ్రాఫర్ కార్తిక్ ఘట్టమనేని దర్శకుడిగా మారి ఓ సినిమా చేయబోతున్నారు. ఇందులో రవితేజ హీరోగా కనిపించనున్నారు. దీనికి ‘ఈగల్’ అనే టైటిల్ ను ఫిక్స్ చేశారు. స్టైలిష్ యాక్షన్ ఎంటర్టైనర్ గా సినిమాను తెరకెక్కించనున్నారు. వచ్చే నెల నుంచి పోలాండ్ లో సినిమా షూటింగ్ ను నిర్వహించనున్నారు. అందుతున్న సమాచారం ప్రకారం..
2014లో విడుదలైన హాలీవుడ్ సినిమా ‘జాన్ విక్’కు ఫ్రీమేక్ గా రవితేజ సినిమాను తెరకెక్కిస్తున్నారట. ఈ సినిమా అఫీషియల్ రీమేక్ రైట్స్ ను అమ్మే ప్రసక్తే లేదు. దీంతో దర్శకుడు కార్తిక్ ఘట్టమనేని తన స్టైల్ లో కథను అడాప్ట్ చేసుకొని సినిమాను తెరకెక్కించబోతున్న. ఇందులో అనుపమ పరమేశ్వరన్ ను హీరోయిన్ గా తీసుకున్నట్లు తెలుస్తోంది. పీపుల్ మీడియా ఫ్యాక్టరీ సంస్థ ఈ సినిమాను నిర్మించనుంది. త్వరలోనే ఈ సినిమాకి సంబంధించిన మరిన్ని అప్డేట్స్ తెలియనున్నాయి.
Most Recommended Video
భూమా మౌనిక కు ఆల్రెడీ పెళ్లయిందా?
బిగ్ బాస్ కంటెస్టెంట్ రేవంత్ గురించి 10 ఆసక్తికరమైన విషయాలు..!
ఛార్మి మాత్రమే కాదు నిర్మాతలయ్యి భారీగా నష్టపోయిన హీరోయిన్ల లిస్ట్..!
