సాంగ్ చిత్రీకరణలో రవితేజ టచ్ చేసి చూడు!

తొలిసారి మాస్ మహారాజ్ రవితేజ అంధుడిగా నటించిన “రాజా ది గ్రేట్” సూపర్ హిట్ అయింది. అనిల్ రావిపూడి దర్శకత్వంలో తెరకెక్కిన ఈ మూవీ విజయవంతం కావడంతో మరింత ఉత్సాహంతో “టచ్‌ చేసి చూడు” సినిమా షూటింగ్ లో జాయిన్ అయ్యారు. విక్రమ్‌ సిరికొండ దర్శకత్వంలో తెరకెక్కుతున్న ఈ మూవీ రెండు షెడ్యూల్ పూర్తిచేసుకుంది. నేడు (గురువారం) మూడో షెడ్యూల్ మొదలయింది. నగరంలోని ఓ సెట్ లో పాట షూటింగ్ తో ప్రారంభించారు. రవితేజ, రాశీ ఖన్నాలపై ఈ పాట చిత్రీకరిస్తున్నారు.

నల్లమలుపు బుజ్జి, వల్లభనేని వంశీ సంయుక్తంగా నిర్మిస్తున్న ఈ సినిమాలో రవితేజ మరింత జోష్ తో కనిపించనున్నారు. ఇందులో కమర్షియల్ ఎలిమెంట్స్ తో పాటు కొత్త దనాన్ని అందిస్తున్నట్లు చిత్ర బృందం తెలిపింది. ఈ సినిమా తర్వాత రవితేజ వినూత్నమైన కథను చేయబోతున్నారు.  మైత్రి మూవీ మేకర్స్ వారు నిర్మించనున్న ఈ సినిమా ప్రీ ప్రొడక్షన్ పనులు వేగంగా సాగుతున్నాయి.