ఆ కారణాలతోనే అలీ రెజా ఎలిమినేట్ అయ్యాడట!

‘కింగ్’ నాగార్జున హోస్ట్ గా వ్యవహరిస్తున్న ‘బిగ్ బాస్3’ విజయవంతంగా 50 రోజులు పూర్తి చేసుకుంది. ఇప్పటికే హౌస్ నుండీ హేమ, జాఫర్, తమన్నా సింహాద్రి, రోహిణి, ఆషూ రెడ్డి ఎలిమినేటి అయ్యారు. ఇక ఈ వారం అలీ రెజా ఎలిమినేట్ అయ్యాడు. హౌస్ లో ఉన్న స్ట్రాంగ్ కంటెస్టెంట్ అలీ అనడంలో ఎటువంటి సందేహం లేదు. ఇప్పటికే టాప్ 5 కంటెస్టెంట్స్ లో అలీ ఉంటాడని చాలా మంది ఫిక్సయిపోయారు. అలాంటి కంటెస్టెంట్ ఎలిమినేట్ అవ్వడంతో అంతా షాకయ్యారు. నామినేషన్స్ లో రాహుల్‌, శ్రీముఖి, అలీరెజా, ర‌వి, మ‌హేష్ వంటి వారున్నారు. అయితే వీరిలో రాహుల్, మహేష్ లు వీక్ కంటెస్టెంట్లు… అలాంటిది అలీ నే ఎలిమినేట్ అవ్వడమేంటి.. ? వంటి సందేహాలు చాలానే ఉన్నాయి.

వాటి వెనుక ఉన్న అసలు నిజాలు ఏంటి అన్నది ఓ సారి పరిశీలిద్దాం…! తక్కువ ఓట్లు వచ్చినందుకే అలీరెజా ఎలిమినేట్ అయ్యాడు. అందులో ఎలాంటి సందేహం లేదు. అలీ నామినేషన్స్ కు రావడం ఇదే మొదటిసారి. ఈ 50 రోజుల ‘బిగ్ బాస్3’ లో మొదటిసారి నామినేట్ అయినవాళ్ళందరూ ఎలిమినేట్ అవుతూ వచ్చారు. హేమ,తమన్నా సింహాద్రి, రోహిణి, అషూ రెడ్డి ఇప్పుడు అలీ. ఇది పక్కన పెడితే… టాస్కుల్లో ఎంతో యాక్టివ్ గా ఉంటూ వచ్చాడు. అయిపోతే కొన్ని అనవసరమైన విషయాలకి ఎక్కువ సీరియస్ అవ్వడం, అరవడం… ఇక ఒక్క మాటలో చెప్పాలంటే ఓవర్ యాక్షన్ అనే కామెంట్స్ కూడా వచ్చాయి. దీంతో అలీ పై నెగిటివిటీ పెరిగిపోయింది. అందుకే నామినేష‌న్స్ కు వచ్చినా ప్రేక్షకులు పట్టించుకోకుండా ఓట్లు వేయలేదని తెలుస్తుంది.