తెలుగు వద్దు…తమిళ్ ముద్దు అంటున్న బ్యూటీ!!!

టాలీవుడ్ లో హీరోయిన్స్ ను ఆదరించడం అంటే….ఒక శుక్రవారం వచ్చి…సినిమా ఫ్లాప్ అయితే మరో శుక్రవారానికి సరికొత్త హీరోయిన్ ని వెతుక్కునే అలవాటు అన్న బ్యాడ్ రూమర్ ఈ మధ్య భాగా ఎక్కువ అయ్యింది. టాలీవుడ్ లో హీరోయిన్ స్థాయిని దించేసే విధంగా ఈ రూమర్ కాస్త ఎక్కువగానే చక్కెర్లు కొడుతుంది. ఇంతకీ విషయం ఏమిటంటే….టాలీవుడ్ ప్రేక్షకుల కన్నా….తమిళ ప్రేక్షకులు మంచివారు…ఆదరించేవారు…అక్కున చేర్చుకుని అవకాశాలు ఇచ్చేవారు అంటుంది ఒక బ్యూటీ…ఇంతకీ ఎవరా బ్యూటీ అంటారా….అదేనండి రేజినా కాసండ్రా….ఈ అమ్మడు ఇండస్ట్రీలోకి అడుగుపెట్టే సమయానికి కాస్త డిఫరెంట్ గా ఉండాలి అని ఆలోచించి…’నేను ఎక్స్‌పోసింగ్ కి దూరం’ అన్నట్లుగా వ్యవహరించింది…..కట్ చేస్తే…ఆమెను సినిమాలకే దూరంగా ఉంచారు మన దర్శకులు…నిర్మాతలు.

అయితే అదే క్రమంలో…ఈ భామ…తాజాగా మెగా ఫ్యామిలీ నుంచి వచ్చిన ఒక కుర్ర హీరోతో కాస్త చనువుగా వ్యవహరించి అర కోర అవకాశాలతో కాలం గడిపేసింది…ఇక ఇక్కడ అవకాశాలు సరిగ్గా దక్కకపోవడంతో తమిళ ఇండస్ట్రీ కి వెళ్ళి మన తెలుగు ఇండస్ట్రీపై శెటైర్స్ వేస్తుంది….’తమిళ ప్రేక్షకులు చాలా మంచి వాళ్లు. ఏడాదికి ఒక్క సినిమానే చేసినా సరే.. వాళ్లు గుర్తుంచుకుంటారు. కానీ తెలుగులో మాత్రం ప్రతీ శుక్రవారం ఓ కొత్త హీరోయిన్ వస్తూ ఉంటుంది. అందుకే ఆడియన్స్ తేలిగ్గా మర్చిపోతుంటారు. అందుకే నేను తమిళ్ పై ఫోకస్ చేయాల్సి వచ్చింది. ఇప్పుడు నేను కోలీవుడ్ లో 5 సినిమాలు చేస్తున్నా’ అంటూ కాస్త తెలుగు వారిపై తన కోపాన్ని చూపించింది…ఇంత తెలివిగా మాట్లాడిన ఈ బ్యూటీ..అసలు తాను తమిళ ఇండస్ట్రీలో వెళ్ళడానికి తెలుగులో తనకు వచ్చిన నేమ్ కారణం అని మరచిపోతే ఎలా…