ఇప్పట్లో కమర్షియల్ సినిమా అంటే కచ్చితంగా ఐటెం సాంగ్ ఉండాలి. అదే మెగాస్టార్ సినిమా అయితే.. ఇక చెప్పనక్కర్లేదు..! మెగాస్టార్ నుండీ ఈ ఏడాది వచ్చిన ‘సైరా నరసింహారెడ్డి’ చిత్రంలో డ్యాన్స్ లకి, ఐటెం సాంగ్ లకి స్కోప్ లేకుండా పోయింది. దీంతో అభిమానులు కొంత నిరాశ చెందారు. దీంతో కొరటాల డైరెక్షన్లో చేయబోతున్న ‘మెగా 152’ లో మాత్రం కచ్చితంగా ఐటెం సాంగ్ ఉండేలా చూసుకుంటున్నారట. కొరటాల శివ సినిమా అంటే అన్ని వర్గాల ప్రేక్షకులని దృష్టిలో పెట్టుకుని అన్ని అంశాలు ఉండేలా చూసుకుంటాడు.
ఇక ‘మెగా 152’ ప్రాజెక్ట్ కు మణిశర్మ సంగీతం అందించబోతున్నాడు. ఈ చిత్రంలో అదిరిపోయే ఐటెం సాంగ్ ప్లాన్ చేసాడట. ఈ సాంగ్ లో మెగాస్టార్ తో స్టెప్పులు వేయడానికి కుర్ర హీరోయిన్ రెజీనాని తీసుకున్నాడని తెలుస్తుంది. రేజీనాకి ఇది గోల్డెన్ ఛాన్స్ అనే చెప్పాలి. ఎందుకంటే ఆమె చేతిలో పెద్దగా సినిమాలు లేవు కాబట్టి..! అయితే మెగాస్టార్ పక్కన ఈమె డ్యాన్స్ లు చేయగలదా అనే అనుమానాలు వ్యక్తం అవుతున్నాయి. అయితే తేజు నటించిన ‘సుబ్రహ్మణ్యం ఫర్ సేల్’ చిత్రంలో ‘గువ్వా గోరింకతో’ అనే చిరు రీమిక్స్ పాటకి.. రెజీనా డ్యాన్స్ ఇరక్కొట్టేసిందని అందరూ గుర్తుంచుకోవాలి. సాధారణంగా చీరలో డ్యాన్స్ బాగా చేసి మెప్పించడం అంత ఈజీ కాదు.. అయినా రెజీనా అలరించింది. కాబట్టి ఈమె అయితేనే పర్ఫెక్ట్ అని చెప్పొచ్చు.
ఈ ఏడాది ఓవర్సీస్ లో అత్యధిక కలెక్షన్లు రాబట్టిన సినిమాలు!
2019లో మరణించిన తారలు?
ఈ ఏడాది డిజాస్టర్ సినిమాలు ఇవే..?
