రేణుదేశాయ్ నవ్వుకి కారణమేంటో..?

December 22, 2020 / 05:00 PM ISTByFilmy Focus

Join Us

ఈ మధ్యకాలంలో రేణుదేశాయ్ పేరు వార్తల్లో వినిపిస్తూనే ఉంది. పవన్ కళ్యాణ్ తో విడాకులు తీసుకున్న తరువాత తన పిల్లలు ఆద్య, అకీరాలతో కలిసి పూణేలోనే ఉంటున్నారు. రీసెంట్ గా మళ్లీ సినిమాల్లో బిజీ అవ్వాలని చూస్తున్నారు. దీనికోసం హైదరాబాద్ కి మకాం మార్చారు. సోషల్ మీడియాలో యాక్టివ్ గా ఉంటూ ఎప్పటికప్పుడు తనకు సంబంధించిన విషయాలను షేర్ చేసుకుంటూ ఉంటుంది. ఈ క్రమంలో తాజాగా ఆమె షేర్ చేసిన వీడియో వైరల్ అవుతోంది. సిగ్గుపడుతూ.. ఎంతో సంతోషంగా నవ్వుతూ ఓ సెల్ఫీ వీడియో తీసుకొని దానిని ఇన్స్టాగ్రామ్ లో షేర్ చేసింది.

తన నవ్వుకి కారణం ఏంటో త్వరలోనే చెబుతానంటూ రాసుకొచ్చింది. రేణు పక్కనే తన కూతురు ఆద్య కూడా హుషారుగా నవ్వుతూ డాన్స్ చేస్తూ కనిపించింది. దీంతో వీరిద్దరి సంతోషానికి కారణం ఏమై ఉంటుందనే చర్చ మొదలైంది. కొన్నాళ్ల క్రితం రేణుదేశాయ్ రెండో పెళ్లి చేసుకుంటున్నట్లు ప్రకటించిన సంగతి తెలిసిందే. నిశ్చితార్ధపు ఫోటోలు కూడా షేర్ చేసింది. కానీ పెళ్లి ఎప్పుడనే విషయాన్ని చెప్పలేదు.

ఇప్పుడు తన రెండో పెళ్లి డేట్ చెప్పడానికి ఫిక్స్ అయి ఇలా సస్పెన్స్ క్రియేట్ చేస్తూ వీడియో షేర్ చేసిందంటూ నెటిజన్లు కామెంట్స్ చేస్తున్నారు. మరి దీనిపై ఈ బ్యూటీ క్లారిటీ ఇస్తుందేమో చూడాలి. ప్రస్తుతం రేణు తన కూతురు ‘ఆద్య’ పేరుతో ఓ వెబ్ సిరీస్ ను మొదలుపెట్టింది. మహిళా సాధికారత నేపథ్యంలో తెరకెక్కిస్తున్న ఈ సిరీస్ మొత్తం పన్నెండు ఎపిసోడ్లుగా ప్రేక్షకుల ముందుకు రానుంది.