మహా నటుడు, తెలుగుదేశం పార్టీ వ్యవస్థాపకుడు నందమూరి తారకరామారావు జీవిత చరిత్రపై సినిమాను తీస్తానని ఆయన తనయుడు నటసింహ నందమూరి బాలకృష్ణ కొన్ని రోజుల క్రితం ప్రకటించారు. ఆయన బాల్యం, యవ్వనంలో సంగతులు, విశేషాలపై పరిశోధనకు ఒక బృందాన్ని కూడా ఏర్పాటు చేశారు. ఆ పనులు ఓ కొలిక్కి వచ్చాయని తెలిసింది. అయితే తెలుగు వారి ప్రాముఖ్యతను ప్రపంచానికి చాటిన ఆ మహానుభావుడి కథను ఎవరు తెరకెక్కిస్తారు? నిర్మాత ఎవరు అనే విషయాలు తెలుసుకోవాలని ఆరాటపడ్డారు. ఇంతకీ సినిమా ఎప్పుడు మొదలవుతుందని ఆరా తీయడం మొదలెట్టారు. వీటన్నింటికీ సమాధానం దొరికింది.
ఈ చిత్రానికి డైరక్టర్ గా రామ్ గోపాల్ వర్మ ఫిక్స్ అయ్యారని ఫిల్మ్ నగర్ వాసులు చెబుతున్నారు. బయో పిక్ లను రూపొందించడంలో ఎక్స్ పెర్ట్ అయినా వర్మ స్క్రిప్ట్ పని కూడా పూరి మొదలు పెట్టేశారని సమాచారం. ఎన్టీఆర్ గా బాలకృష్ణ నటించనున్న ఈ మూవీని మూడు భాగాలుగా తెరకెక్కించనున్నట్లు తెలిసింది. ఎన్టీఆర్ సినిమాల్లోకి రాక పూర్వం, సినిమాల్లోకి వచ్చిన తర్వాత, రాజకీయనాయకుడిగా అతని జీవితాన్ని మూడు పార్ట్ లుగా చూపించనున్నారు. భారీ బడ్జెట్ తో ప్రముఖ వ్యాపారవేత్త విష్ణు ఇందూరి ఈ సినిమాని నిర్మించనున్నారు. ఈ మూవీ గురించి అధికారిక ప్రకటన త్వరలో రానుంది.
Also, do SUBSCRIBE to our YouTube channel to get latest Tollywood updates.
