RRR First Single: జక్కన్న ఫిక్స్.. ఫ్యాన్స్ కు పూనకాలే!

చాలా విషయాల్లో మిగతా దర్శకులతో పోలిస్తే రాజమౌళి భిన్నమనే సంగతి తెలిసిందే. సినిమాకు సంబంధించి ప్రతి చిన్న విషయంలో ఎన్నో జాగ్రత్తలు తీసుకునే రాజమౌళి తన ప్రతిభతో విజయాలను సొంతం చేసుకుంటున్నారు. వరుసగా పోస్టర్లు, మేకింగ్ వీడియోతో ఆర్ఆర్ఆర్ పై అంచనాలను పెంచిన జక్కన్న త్వరలో ఫస్ట్ సింగిల్ ను రిలీజ్ చేసే అవకాశాలు ఉన్నాయని తెలుస్తోంది. ఈ నెలాఖరు నాటికి ఆర్ఆర్ఆర్ ఫస్ట్ సింగిల్ రిలీజైనా ఆశ్చర్యపోవాల్సిన అవసరం లేదని ఇండస్ట్రీ వర్గాల్లో వినిపిస్తోంది.

సినిమా రిలీజ్ కు కేవలం మూడు నెలల సమయం ఉన్న నేపథ్యంలో రాజమౌళి ఆర్ఆర్ఆర్ ప్రమోషన్స్ పై దృష్టి పెట్టి సినిమాపై మెల్లగా అంచనాలు పెంచే ప్రయత్నాలు చేస్తున్నారని భోగట్టా. అయితే దసరా నాటికి సాధారణ పరిస్థితులు ఏర్పడితే మాత్రమే ఆర్ఆర్ఆర్ రిలీజవుతుందని సమాచారం. ఒకవేళ ఏ కారణం చేతనైనా దసరాకు ఆర్ఆర్ఆర్ రిలీజ్ కాకపోతే డిసెంబర్ మూడవ వారంలో ఈ సినిమా రిలీజయ్యే అవకాశాలు ఉంటాయని తెలుస్తోంది.

కరోనా సెకండ్ వేవ్ వల్ల రెండు నెలల షూటింగ్ ఆలస్యమైనా సెప్టెంబర్ చివరి నాటికి ఆర్ఆర్ఆర్ సినిమాకు సంబంధించిన అన్ని పనులు పూర్తవుతాయని తెలుస్తోంది. అయితే విదేశాల్లో కరోనా కేసులు, పరిస్థితులను బట్టి సినిమా రిలీజ్ డేట్ ఫిక్స్ అయ్యే అవకాశం ఉంటుంది. కరోనా సెకండ్ వేవ్ సమయంలో పోస్ట్ ప్రొడక్షన్ పనులు కొనసాగించడం ద్వారా సెకండ్ వేవ్ ప్రభావం తమపై పడకుండా ఆర్ఆర్ఆర్ టీం చూసుకుందని చెప్పవచ్చు. సినిమాను కచ్చితంగా ఈ ఏడాదే రిలీజ్ చేయాలని రాజమౌళి భావిస్తున్నారని సినిమాలోని కొన్ని సన్నివేశాలు ఫ్యాన్స్ కు పూనకాలు వచ్చేలా ఉంటాయని తెలుస్తోంది.

Most Recommended Video

పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్