ఎన్టీఆర్, చరణ్ ఫ్యాన్స్ ఆసక్తిగా ఎదురుచూస్తున్న ఆర్ఆర్ఆర్ మూవీ మరో ఐదు రోజుల్లో రిలీజ్ కావాల్సి ఉంది. ఆర్ఆర్ఆర్ మూవీ రిలీజ్ కోసం ఇప్పటికే థియేటర్లను కూడా బుకింగ్ చేసేశారు. అమెరికాలో మూడు వారాల క్రితమే అడ్వాన్స్ బుకింగ్ మొదలుకాగా అక్కడ ఆర్ఆర్ఆర్ మూవీకి రికార్డు స్థాయిలో టికెట్లు అమ్ముడయ్యాయి. జనవరి 7 న సంక్రాంతి కానుకగా విడుదల కావలసిన భారీ బడ్జెట్ మరియు పాన్ వరల్డ్ చిత్రం ఆర్.ఆర్.ఆర్ వాయిదా పడింది.
కొత్త సంవత్సరంలో తొలి ఇండస్ట్రీ హిట్ గా ఆర్ఆర్ఆర్ నిలుస్తుందని ఫ్యాన్స్ ఆశాభావం వ్యక్తం చేశారు. అయితే ప్రస్తుతం ఆర్ఆర్ఆర్ రిలీజ్ కు అనుకూలమైన పరిస్థితులు లేవు. ఏపీలో తగ్గిన టికెట్ రేట్ల వల్ల నిర్మాత దానయ్య బయ్యర్లకు ఏకంగా 40 శాతం డిస్కౌంట్ ఇవ్వాల్సి వచ్చింది. తమిళనాడులో నేటి నుంచి 50 శాతం ఆక్యుపెన్సీతో థియేటర్లు రన్ అవుతున్నాయి. ఈ నిర్ణయంతో తమిళనాడు బయ్యర్లు కూడా డిస్కౌంట్ అడుగుతున్నారని బోగట్టా.
మరోవైపు అమెరికాలో, ఇతర దేశాల్లో ఊహించని స్థాయిలో కరోనా కేసులు నమోదవుతున్నాయి. ఆర్ఆర్ఆర్ విడుదలై హిట్ టాక్ వచ్చినా అక్కడ భారీస్థాయిలో కలెక్షన్లు సాధించడం కష్టమేనని చెప్పవచ్చు. తెలంగాణ మినహా ఆర్ఆర్ఆర్ రిలీజ్ కు ఎక్కడా అనుకూల పరిస్థితులు లేవు. ఫలితంగా ఆర్ఆర్ఆర్ వాయిదా తప్పదని ఇండస్ట్రీలో వినిపిస్తోంది. ఆర్ఆర్ఆర్ మేకర్స్ రిస్క్ చేసి రిలీజ్ చేస్తే మాత్రం వందల కోట్ల రూపాయలు నష్టపోయే అవకాశం ఉంటుంది.
జనవరి 7 న సంక్రాంతి కానుకగా విడుదల కావలసిన భారీ బడ్జెట్ మరియు పాన్ వరల్డ్ చిత్రం ఆర్.ఆర్.ఆర్ వాయిదా పడింది. ఈ విషయాన్ని కొద్దిసేపటి క్రితం చిత్ర యూనిట్ సభ్యులు అధికారికంగా ప్రకటించారు. ‘ మేము అహర్నిశలు పని చేసి సినిమా విడుదల చేయాలని విశ్వ ప్రయత్నాలు చేసినా కొన్ని పరిస్థితులు మా కంట్రోల్ లో లేవు. దేశవ్యాప్తంగా అనేక చోట్ల థియేటర్లు ముతపడడంతో ఈ నిర్ణయం తీసుకోక తప్పలేదు. మా సినిమాని ఎప్పుడు విడుదల చేసేది త్వరలో ప్రకటిస్తాం. మిమ్మల్ని వెయిట్ చేస్తున్నందుకు క్షమించాలి. మేము ఎప్పుడు వచ్చినా కచ్చితంగా థియేటర్లకు పూర్వ వైభవాన్ని తీసుకొస్తాం ‘ అంటూ చిత్ర బృందం తెలిపింది.
గత రెండు రోజులుగా ఆర్.ఆర్.ఆర్ పోస్ట్ పోన్ అవుతుంది అని సోషల్ మీడియాలో ప్రచారం జరుగుతూనే ఉంది. కాకపోతే చిత్ర బృందం ఎడతెగకుండా ప్రమోషన్ల కోసం దేశం మొత్తం తిరుగుతుండడంతో అది అసత్య ప్రచారం అని అంతా అనుకున్నారు. సోషల్ మీడియాలో నడిచిన కథనాల ప్రకారం అయితే ఆర్.ఆర్.ఆర్ చిత్రం ఏప్రిల్ లో విడుదల కాబోతుందట. బాహుబలి 2 కూడా అదే నెలలో విడుదలై రికార్డులు తిరగరాసింది. అయితే అధికారిక ప్రకటన వచ్చే వరకు అది నిజం అని చెప్పలేం.
Most Recommended Video
83 సినిమా రివ్యూ & రేటింగ్!
వామ్మో.. తమన్నా ఇన్ని సినిమాల్ని మిస్ చేసుకుండా..!
‘అంతం’ టు ‘సైరా’.. నిరాశపరిచిన బైలింగ్యువల్ సినిమాల లిస్ట్..!
