ఎంటెర్టైనమెంట్ ఉంటే చాలు ఎవరి సినిమానైనా చూసేస్తామని తెలుగు ఆడియన్స్ మరోసారి నిరూపించారు. స్టార్ హీరోల చిత్రాలకు మాత్రమే కాదు కాస్త బాగుందని టాక్ వస్తే చాలు థియేటర్లు నిండిపోతాయని “ఆర్‌ఎక్స్ 100” మూవీ చాటి చెప్పింది. కార్తికేయ హీరోగా యువ దర్శకుడు అజయ్ భూపతి తెరకెక్కించిన ఈ సినిమా మాస్ ఆడియన్స్ కి బాగా కనెక్ట్ అయింది. ముఖ్యంగా హీరోయిన్ పాయల్ రాజ్‌పుత్ అందాలతో కనువిందుచేస్తోంది. ఆమె కోసం యువత ఈ సినిమాని మళ్ళీ మళ్ళీ చూస్తున్నారంటే అతిశయోక్తికాదు. ఈ సినిమా విజయంలో ఆమె కీలకపాత్ర పోషించింది. అశోక్ రెడ్డి గుమ్మకొండ నిర్మించిన ఈ చిత్రం గురువారం రిలీజ్ అయి భారీ ఓపెనింగ్స్ రాబట్టింది. రెండు తెలుగు రాష్ట్రాల్లో కలుపుకొని తొలిరోజే 1.42 కోట్ల షేర్ రాబట్టి అందరినీ ఆశ్చర్యపరిచింది. రెండో రోజూ అదే జోరు కొనసాగించింది. కోటి కి పైగా షేర్ వసూల్ చేసి సంచలనం సృష్టించింది. ఏరియాల వారీగా కలక్షన్స్ వివరాలు..
ఏరియా : కలక్షన్స్
నైజాం : 1.15 కోట్లు
సీడెడ్ : 35 లక్షలు 
ఉత్తరాంధ్ర : 28 లక్షలు
గుంటూరు : 16 లక్షలు
కృష్ణ : 16 లక్షలు 
ఈస్ట్ గోదావరి : 24 లక్షలు
వెస్ట్ గోదావరి : 13 లక్షలు
నెల్లూరు : 06 లక్షలు 
తెలుగు రాష్ట్రాల్లో : 2.53 కోట్లు
