పవర్ స్టార్ పవన్ కళ్యాణ్, రానా హీరోలుగా తెరకెక్కిన భీమ్లా నాయక్ సినిమా బాక్సాఫీస్ వద్ద బ్లాక్ బస్టర్ హిట్ గా నిలిచిన సంగతి తెలిసిందే. ఏపీలో టికెట్ రేట్లు తక్కువగా ఉండటం వల్ల కొన్ని ఏరియాల్లో ఈ సినిమా సక్సెస్ సాధించకపోయినా పవన్ కళ్యాణ్ అభిమానులు మాత్రం ఈ సినిమాను హిట్ గానే పరిగణిస్తారు. ప్రస్తుతం ఆహా ఓటీటీలో, డిస్నీ ప్లస్ హాట్ స్టార్ ఓటీటీలో ఈ సినిమా స్ట్రీమింగ్ అవుతున్న సంగతి తెలిసిందే.
ఈ సినిమాకు ఈ రెండు ఓటీటీలలో రికార్డు స్థాయిలో వ్యూస్ వస్తున్నాయని సమాచారం అందుతోంది. అయితే ఈ సినిమా ఓటీటీలో రిలీజైన సందర్భంగా ఆహా ఓటీటీకి సాగర్ కె చంద్ర ఇంటర్వ్యూ ఇవ్వడంతో పాటు ఆ ఇంటర్వ్యూలో ఎన్నో ఆసక్తికర విషయాలను వెల్లడించారు. భీమ్లా నాయక్ మూవీకి త్రివిక్రమ్ వెన్నెముక అని ఆయన అన్నారు. భీమ్లా నాయక్ మూవీ ఫ్లాష్ బ్యాక్, క్లైమాక్స్ లో మార్పులు చేయడంతో పూర్తిగా కథ మారిపోయిందని సాగర్ కామెంట్లు చేశారు.
కథలో చేసిన మార్పుల వల్ల ఈ సినిమా విభిన్నమైన మూవీగా నిలిచిందని సాగర్ చెప్పుకొచ్చారు. పవన్ కళ్యాణ్ పెద్ద స్టార్ అయినప్పటికీ డైరెక్టర్ కుర్చీకి ప్రాధాన్యత ఇస్తారని సాగర్ వెల్లడించారు. తన నుంచి కథకు, పాత్రకు అదనపు హంగులు కావాలా? అని ఆయన అడుగుతారని సాగర్ వెల్లడించారు. పవన్ కళ్యాణ్ కు ఓపిక ఎక్కువని మరో టేక్ చేయాలని అడిగినా చేయడానికి పవన్ సిద్ధంగా ఉంటారని సాగర్ తెలిపారు. తన గత సినిమాలు చూడటం వల్లే పవన్ ఈ సినిమాలో ఛాన్స్ ఇచ్చి ఉండవచ్చని సాగర్ తెలిపారు.
త్రివిక్రమ్ ప్రతిభను సాగర్ చాలా ప్రశంసించారు. రీఎంట్రీలో పవన్ కళ్యాణ్ వరుసగా విజయాలను సొంతం చేసుకుంటున్నారు. సినిమాసినిమాకు పవన్ కళ్యాణ్ కు క్రేజ్ పెరుగుతోంది. భీమ్లా నాయక్ సంచలన విజయాన్ని సొంతం చేసుకోవడంతో సాగర్ కె చంద్రకు మరో స్టార్ హీరో ఛాన్స్ ఇస్తారేమో చూడాలి.
Most Recommended Video
‘బాహుబలి’ కి ఉన్న ఈ 10 అడ్వాంటేజ్ లు ‘ఆర్.ఆర్.ఆర్’ కు లేవట..!
‘ఆర్.ఆర్.ఆర్’ మూవీ గురించి ఈ 11 ఇంట్రెస్టింగ్ విషయాలు మీకు తెలుసా?
‘పుష్ప’ తో పాటు బుల్లితెర పై రికార్డ్ టి.ఆర్.పి లు నమోదు చేసిన 10 సినిమాల లిస్ట్…?
Home