ఇటీవలే దుబాయ్ లో భారీ యాక్షన్ షెడ్యూల్ పూర్తి చేసుకొన్న “సాహో” బృందం ఇప్పుడు మూడో షెడ్యూల్ కి సిద్ధమవుతోంది. జూలై 11 నుంచి హైద్రాబాద్ లో రామోజీ ఫిలిమ్ సిటీ, అన్నపూర్ణ స్టూడియోస్ మరియు కొన్ని లోకల్ ప్లేసస్ లో షూటింగ్ జరగనుంది. ఈ షెడ్యూల్ లో ప్రభాస్ తోపాటు.. శ్రద్ధకపూర్, నీల్ నితిన్ మరియు కొందరు బాలీవుడ్ ఆర్టిస్టులు కూడా ఈ షెడ్యూల్ లో పాల్గొననున్నారు. ప్రభాస్-శ్రద్ధకపూర్ కాంబినేషన్ సీన్స్ & సాంగ్స్ కూడా ఈ షెడ్యూల్ లో షూట్ చేయనున్నారు.
“బాహుబలి 2” విడుదలై ఏడాది పూర్తవ్వడంతో.. ప్రభాస్ అభిమానులందరూ “సాహో” ఎప్పుడెప్పుడు విడుదలవుతుందా అని ఎదురుచూస్తున్నారు. తెలుగు, తమిళ, హిందీ భాషల్లో ఏకకాలంలో రూపొందుతున్న ఈ చిత్రంపై భారీ అంచనాలున్నాయి. అందుకే దర్శకుడు సుజీత్ చాలా జాగ్రత్తగా హాలీవుడ్ రేంజ్ లో సినిమాను తెరకెక్కిస్తున్నాడు. స్టైలిష్ యాక్షన్ థ్రిల్లర్ గా తెరకెక్కుతున్న ఈ చిత్రం 2019లో విడుదలవుతుందన్న క్లారిటీ ఉంది కానీ డేట్ మాత్రం ఇంకా ఎనౌన్స్ చేయలేదు.
