బెల్లంకొండ సాయి శ్రీనివాస్-పూజా హెగ్డే జంటగా నటిస్తున్న చిత్రం “సాక్ష్యం”. ఈ చిత్రాన్ని జూలై 20న ప్రపంచవ్యాప్తంగా విడుదల చేయనున్నారు. తొలుత ఈ చిత్రాన్ని జూన్ 14న విడుదల చేయనున్నామని ప్రకటించినప్పటికీ.. సి.జి వర్క్ పెండింగ్ ఉండడంతో విడుదలను వాయిదా వేయాల్సి వచ్చింది.
“బాహుబలి” చిత్రానికి వర్క్ చేసిన మకుట టీం “సాక్ష్యం” సి.జి వర్క్ చేస్తోంది. దర్శకనిర్మాతలు అవుట్ పుట్ విషయంలో ఎక్కడా రాజీపడడం లేదు. పంచభూతాల నేపధ్యంలో తెరకెక్కుతున్న ఈ డిఫరెంట్ యాక్షన్ ఎంటర్ టైనర్ తో ప్రేక్షకులకు ఒక సరికొత్త అనుభూతిని పంచనున్నాడు దర్శకుడు శ్రీవాస్. విడుదలైన టీజర్ కు విశేషమైన రెస్పాన్స్ వచ్చింది, మా అంచనాలను మించే స్థాయిలో ప్రేక్షకులు “సాక్ష్యం” టీజర్ ను ఆదరించారు. అలాగే.. విడుదలైన రెండు పాటలు కూడా విశేషమైన ఆదరణ చూరగొన్నాయి.
Home
