Sai Dharam Tej: ప్రమాదంపై నోరు విప్పిన సాయితేజ్.. పవన్ ధైర్యం చెప్పారంటూ?

April 3, 2023 / 11:47 AM ISTByFilmy Focus

Join Us

Sai Dharam Tej: ప్రమాదంపై నోరు విప్పిన సాయితేజ్.. పవన్ ధైర్యం చెప్పారంటూ?

టాలీవుడ్ ప్రముఖ నటులలో ఒకరైన సాయితేజ్ నటించిన సినిమాలలో మెజారిటీ సినిమాలు సక్సెస్ సాధించగా ఈ మధ్య కాలంలో వరుస సినిమాల షూటింగ్ లతో సాయితేజ్ బిజీ అవుతున్నారు. మూడు నెలల గ్యాప్ లో సాయితేజ్ నటించిన రెండు సినిమాలు థియేటర్లలో రిలీజ్ కానున్నాయి. అయితే కొన్ని నెలల క్రితం సాయితేజ్ బైక్ పై వెళుతున్న సమయంలో ప్రమాదానికి గురైన సంగతి తెలిసిందే. ఆ సమయంలో సాయితేజ్ గురించి ఎన్నో రూమర్లు ప్రచారంలోకి వచ్చాయి.

సాయితేజ్ నటించిన విరూపాక్ష మూవీ ఈ నెల 21వ తేదీన థియేటర్లలో రిలీజ్ కానుండగా ఈ సినిమా ప్రమోషన్స్ లో భాగంగా ఆ యాక్సిడెంట్ గురించి సాయితేజ్ స్పందించడంతో పాటు స్పష్టత ఇచ్చే ప్రయత్నం చేశారు. ఆ ప్రమాదం నాకు ఒక లెసన్ అని ఆయన అన్నారు. అదే సమయంలో ఆ ప్రమాదం స్వీట్ మెమొరీ అని ఆయన తెలిపారు. ఆ ప్రమాదం వల్ల నాకు మాట విలువ తెలిసిందని నేను ఎన్నో విషయాలను నేర్చుకున్నానని సాయితేజ్ చెప్పుకొచ్చారు.

ఆ ప్రమాదానికి ముందు చాటర్ బాక్స్ లా నేను ఎక్కువగా మాట్లాడేవాడినని యాక్సిడెంట్ తర్వాత గొంతు పెగలక మాటలు రాని సమయంలో మాటల విలువ నాకు తెలిసిందని ఆయన తెలిపారు. కుటుంబ సభ్యులు, మామయ్య పవన్ కళ్యాణ్ నాకు ధైర్యం నూరిపోశారని సాయితేజ్ పేర్కొన్నారు. ఈ క్షణం బ్రతకాలి వర్తమానంలో బ్రతకాలి అని ప్రమాదం వల్ల అర్థం చేసుకున్నానని ఆయన చెప్పుకొచ్చారు.

పవన్ మామయ్యతో సినిమా చేస్తున్నానని చిరంజీవి మామయ్యతో కూడా సినిమా చేసే అవకాశం వస్తుందని భావిస్తున్నానని సాయితేజ్ (Sai Dharam Tej) కామెంట్లు చేశారు. లెగో బ్రిక్స్ తో ఆడుకోవడం నాకు సరదా అని ఆయన అన్నారు. విరూపాక్ష సినిమాతో సాయితేజ్ కోరుకున్న సక్సెస్ దక్కాలని ఆయన ఫ్యాన్స్ కోరుకుంటున్నారు. సాయితేజ్ చెప్పిన విషయాలు సోషల్ మీడియాలో తెగ వైరల్ అవుతున్నాయి.