బిగ్‌బాస్‌లో కుమార్‌ సాయి ఏమన్నాడంటే?

September 14, 2020 / 09:55 AM ISTByFilmy Focus

Join Us

బిగ్‌బాస్‌ నాలుగో సీజన్‌లో అనూహ్యంగా ఈ రోజు వైల్డ్‌ కార్డు ఎంట్రీ కూడా జరిగిపోయింది. సూర్యకిరణ్‌ ఎలిమినేట్‌ అవ్వగా, మరొకరు ఇంట్లోకి వచ్చేశారు. కమెడియన్‌గా ఇప్పటికే అందరికీ పరిచయమైన కుమార్‌సాయి అలియాస్‌ సాయికుమార్‌ పంపన ఈ రోజు వైల్డ్‌ కార్డు ఎంట్రీగా వచ్చాడు. 16 ఏళ్ల క్రితం సినిమాల్లోకి వచ్చిన కుమార్‌ సాయి… మారుతి సినిమాల్లో నత్తి క్యారెక్టర్‌తో సినిమాల్లో అందరినీ నవ్వించిన సాయి బిగ్‌బాస్‌ హౌస్‌లో ఏం చేస్తాడో చూడాలి.

బిగ్‌బాస్‌ షోకి కుమార్‌ సాయి రావడానికి మూడు పాయింట్లు పెట్టుకున్నాడు. అందులో ఒకటి బిగ్‌బాస్‌లో గెలవాలి… అది ఆశయం. ఇంకొకటి గెలవకపోయినా బయటికొచ్చే సమయానికి ప్రపంచంలో కరోనా పోయి, వైరస్‌కి వ్యాక్సిన్‌ రావాలనే ఆశ. దీంతోపాటు నటనను పక్కన పెట్టి… దర్శకత్వం కోసం రాసుకున్న స్క్రిప్ట్స్‌లో ఒకటి మీరు చెప్పే అవకాశం దక్కుతుందనే ఆశ. ఈ మూడింటిలో ఏది జరిగినా నేను గెలిచినట్లే అని కుమార్‌ సాయి చెప్పాడు. ఈ సందర్భంగా కుమార్‌ సాయి చాలా కాలం క్రితం జరిగిన విషయాన్ని స్టేజీ మీద పంచుకున్నాడు. కాలేజ్‌ టైమ్‌లో నాగార్జునతో తనకున్న అనుబంధం చెప్పాడు కుమార్‌ సాయి.

‘మాస్‌’ సినిమాలో మీ సోల్డర్‌ కట్‌ను మేం కొట్టాలని జిమ్‌కి వెళ్లి ఇలా నాగార్జున లా సోల్డర్‌ కట్‌ కావాలని అడిగాం. రెండు మూడు రోజులు జిమ్‌ చేశాం.. కానీ అలా రాలేదు. దాంతో మా జిమ్‌ ట్రైనర్‌ వచ్చి ‘బాబూ అది హెయిర్‌ కట్‌ కాదు.. చూసి చేయడానికి, రావడానికి. దానికి ఆయన చేసిన కష్టం వేరే ఉంటుంది అని చెప్పాడు. మీకు ఏది వస్తే అది తీసుకోండి అన్నాడు. అయితే అప్పుడు జిమ్‌ స్టార్ట్‌ చేసిన మేం నలుగురు ఫ్రెండ్స్‌ని ఇప్పుడు చూస్తే… ఇంతేసి పొట్టలేసుకున్నారు అంటూ నాటి విషయాలు చెప్పాడు కుమార్‌ సాయి.