‘సలార్‌’ సినిమా రిలీజ్‌ డేట్‌ ఏంటి?… ఈ ప్రశ్నకు ‘డిసెంబరు 22’ అని సమాధానం వచ్చేస్తుంది. అయితే ఈ సినిమా రిలీజ్‌ డేట్‌ గురించి ఇంకా పుకార్లు వస్తూనే ఉన్నాయి. కారణం సినిమా షూటింగ్‌ ఇంకా పూర్తి కాకపోవడమే. అంతేకాదు ఈ సినిమా ఎడిటింగ్‌ ఇంకా పూర్తవ్వలేదు అని అంటున్నారు. ఈ విషయం పుకార్ల రూపంలో వస్తే డౌట్‌ పడేవాళ్లం ఏమో… సినిమా టీమ్‌ లాంటి దగ్గర వ్యక్తుల ద్వారానే ఈ సమాచారం వస్తోంది. అందుకే సినిమా రిలీజ్‌ విషయంలో టీమ్‌ ఎంత చెప్పినా డౌట్స్‌ వస్తున్నాయి.
ప్రస్తుతం దర్శకుడు ప్రశాంత్ నీల్ టీమ్‌ ఇదే పనిలో బిజీగా ఉన్నారట. ఓవైపు సినిమాను ఎడిటింగ్‌ టేబుల్‌ మీద పెట్టి కుస్తీ పడుతుంటే.. మరోవైపు సినిమా కోసం కొత్త పాట చిత్రీకరణను చేస్తున్నారట. సిమ్రత్ కౌర్ మీద స్పెషల్‌ సాంగ్‌ను టీమ్‌ చిత్రీకరిస్తోందట. ‘ప్రేమతో మీ కార్తీక్’, ‘పరిచయం’, ‘డర్టీ హరి’ లాంటి సినిమాలు చేసిన సిమ్రత్ కౌర్… ఇటీవల సన్నీ డియోల్ ‘గదర్ 2’ సినిమాలో కూడా నటించింది. ఆ పాటను వీలైనంత త్వరగా చిత్రీకరించి సినిమాలో కలిపేయాలని అనుకుంటున్నారట. అయితే ఈ పాటలో ప్రభాస్ కనిపిస్తాడా లేదా అనేది తేలాలి.
అయితే, ఈ పని అయ్యేలోపు సినిమాలో కొన్ని సన్నివేశాలకు కత్తెరేయాలని ప్రశాంత్ నీల్ అనుకుంటున్నారట. సినిమాను రెండు ముక్కలు చేసినా… ఇంకా తొలి భాగం నిడివి ఎక్కువగానే ఉందని భావిస్తున్నారట. ఈ క్రమంలో ప్రభాస్, పృథ్వీరాజ్ సుకుమారన్ చిన్ననాటి ఎపిసోడ్స్‌ను తగ్గించాలి, లేదంటే చాలా వరకు లేపేయాలి అనుకుంటున్నారట. వాటిల్లో కాస్త ల్యాగ్‌ ఉందని, సినిమాలో (Salaar) ప్రేక్షకులకు బోర్‌ కొట్టే అవకాశం ఉందని అనుకుంటున్నారట.
ఈ క్రమంలోనే ఆ సన్నివేశాలను తొలగిస్తున్నారట. వీటి వల్ల సినిమా నిర్మాతలకు కాస్త నష్టం కూడా కలుగుతుందట. అయితే సినిమా సరైన విధానంలో బయటకు రావాలనే ఆలోచన ముందు ఆ డబ్బు పెద్ద విషయం కాదు అనుకుంటున్నారట. ఈ మాటలు బయటకు వచ్చేసరికి… బిజినెస్‌ లెక్కలు ఇంకా తేలలేదు అని పుకార్లకు ఇవి యాడ్‌ ఆన్‌ అని నెటిజన్లు కామెంట్లు చేస్తున్నారు.
మా ఊరి పొలిమేర 2 సినిమా రివ్యూ & రేటింగ్!
కీడా కోలా సినిమా రివ్యూ & రేటింగ్!
నరకాసుర సినిమా రివ్యూ & రేటింగ్!
Home