ఆ సినిమాలో నటించా.. జనాలు తిడతారనుకున్నా: సమంత

అక్కినేని హీరో నాగచైతన్యని వివాహం చేసుకున్న తరువాత కూడా హీరోయిన్ గా తన కెరీర్ ని కొనసాగిస్తోంది నటి సమంత. లేడీ ఓరియెంటెడ్ కథలు, కాన్సెప్ట్ ఓరియెంటెడ్ సినిమాల్లో నటిస్తూ హిట్ మీద హిట్ అందుకుంటోంది. ఈ క్రమంలో తమిళ హీరో విజయ్ సేతుపతి ప్రధాన పాత్ర పోషించిన ‘సూపర్ డీలక్స్’ అనే సినిమాలో సమంత ఓ బోల్డ్ క్యారెక్టర్ లో నటించింది. ఈ పాత్ర సమంతకి మంచి పేరు తీసుకొచ్చింది. ఉత్తమ నటిగా అవార్డ్ కూడా అందుకుంది.

ఈ అవార్డ్ ఫంక్షన్ లో సమంత తను పోషించిన పాత్ర గురించి మాట్లాడింది. ‘సూపర్ డీలక్స్’ సినిమా అంగీకరించేముందు చాలా ఆలోచించానని.. ఆ సినిమాలో నెగెటివ్ షేడ్స్ తో కూడిన బోల్డ్ రోల్ చేశానని చెప్పుకొచ్చింది. ఆ పాత్ర చేసినందుకు జనాలు తిడతారని అనుకున్నట్లు.. కానీ తనకు ఎలాట్నీ విమర్శలు ఎదురుకాలేదని.. ఈ సినిమా తనకు మంచి అనుభవమని చెప్పుకొచ్చింది. ప్రస్తుతం ఈ బ్యూటీ తెలుగులో నటించిన ‘జాను’ అనే సినిమా విడుదలకు సిద్ధమవుతోంది.

దర్బార్ సినిమా రివ్యూ & రేటింగ్!
అతడే శ్రీమన్నారాయణ సినిమా రివ్యూ & రేటింగ్!