ఆడవారి మాటలకు అర్థాలు వేరులే అని మన పెద్దలు ఎప్పుడో చెప్పారు. అంటే వాళ్లు చెప్పిన విషయంతోపాటు అంతర్లీనంగా మరో విషయం దాగి ఉంటుంది అని వాళ్ల ఉద్దేశం. మొత్తం ఆడవాళ్ల సంగతేమో కానీ.. రీసెంట్‌ ప్రముఖ కథానాయిక సమంత (Samantha) మాటలు వింటుంటే ఆమె ఇంకేదో చెప్పింది అని మాత్రం అనిపిస్తోంది. వెబ్‌ సిరీస్‌లో పోషించిన స్పై పాత్ర నిజ జీవితంలో పోషించారా అనే ప్రశ్నకు ఆమె ఆసక్తికర సమాధానం ఇచ్చింది.
సమంత, నాగ చైతన్య ( Naga Chaitanya) విడాకుల నేపథ్యంలో చాలా రకాల పుకార్లు షికార్లు చేశాయి. ఎవరు స్టార్ట్‌ చేశారు, ఎవరు తొలుత చెప్పారు, ఎవరు తర్వాత చెప్పారు లాంటి అంశాల గురించి ఇప్పుడు చర్చ అనవసరం. అయితే ఆమె ఓ టాక్‌ షోలో నాగచైతన్య గురించి ఓపెన్‌గానే తన రియాక్షన్‌ ఇచ్చేసింది. అయితే చైతు మాత్రం ఆమె గురించి వివిధ సందర్భాల్లో మంచిగానే చెప్పాడు. అయితే తాజాగా సామ్‌ చేసిన వ్యాఖ్యలు దుమారం రేపే పరిస్థితికి తీసుకొచ్చేలా ఉన్నాయి.
సమంత (Samantha) ప్రస్తుతం తన కొత్త వెబ్‌సిరీస్‌ ‘సిటడెల్: హనీ బన్నీ’ ప్రచారంలో బిజీగా ఉంది. ఈ క్రమంలో ఓ ఇంటర్వ్యూలో పాల్గొన్నప్పుడు ‘సిటడెల్’ సిరీస్‌లో స్పై ఏజెంట్‌గా నటించారు కదా.. నిజ జీవితంలో ఎప్పుడైనా స్పై చేశారా? అని అడిగారు. దానికి ఆమె తానెప్పుడూ అలాంటి పని ఎప్పుడూ చేయలేదని, అలా చేసి ఉండుంటే బాగుండేదేమో అని నవ్వేసింది. తన వైవాహిక జీవితం గురించి స్పై చేసి ఉండాల్సిందని సమంత ఇన్‌డైరెక్ట్‌గా చెప్పింది అని చర్చలు జరుగుతున్నాయి.
నాగచైతన్య – సమంత విడాకుల తర్వాత ఆమె మరో పెళ్లికి సిద్ధమైందని, పెద్ద మొత్తంలో భరణం తీసుకుందని వార్తలు వచ్చాయి. కాదు కాదు నాగచైతన్యనే మరో పెళ్లికి సిద్ధమై సామ్‌కి విడాకులు ఇచ్చాడని కూడా అన్నారు. వీటిలో నిజమేదో మనకు తెలియదు. అయితే సామ్‌ లేటెస్ట్‌ కామెంట్స్‌ కొత్త పుకార్లకు దారి తీస్తాయేమో.
Home