సినీ పరిశ్రమలో హీరో హీరోయిన్లుగా నటించిన వారు పెళ్లి చేసుకున్న తర్వాత వెండితెరపై జోడీగా కనిపించడానికి ఆసక్తి చూపించలేదు. నాగార్జున – అమల, మహేష్ – నమ్రత, శ్రీకాంత్ – ఊహా.. వీరంతా పెళ్లి తర్వాత కలిసి నటించలేదు. కానీ పెళ్ళికి ముందు ఏ మాయ చేసావే, ఆటోనగర్ సూర్య, మనం వంటి చిత్రాల్లో కనువిందు చేసిన జంట.. పెళ్లి తర్వాత కూడా అలరించడానికి జతకట్టారు. వారే టాలీవుడ్ క్యూట్ కపుల్ సమంత, నాగ చైతన్య. “నిన్నుకోరి” హిట్ తో మంచి పేరు తెచ్చుకున్న శివ నిర్వాణ దర్శకత్వంలో నటించనున్నారు. హరీశ్ పెద్ది, సాహు గారపాటి కలిసి నిర్మిస్తోన్న ఈ సినిమా త్వరలోనే సెట్స్ మీదకు వెళ్లనుంది.
అంతకంటే ముందు సమంత తొలిసారి లీడ్ పాత్ర చేసిన యూటర్న్ మూవీ ఫస్ట్ లుక్ నిన్న రిలీజ్ అయింది. ఈ సందర్భంగా ట్విట్టర్ వేదికపై సమంత అభిమానులతో ముచ్చటించింది. వారు అడిగిన ప్రశ్నలకు తెలివిగా సమాధానం చెప్పింది. “మీకు మీ మావయ్య నాగార్జున గారు ఇచ్చిన అతిపెద్ద బహుమతి ఏది?” అని ఒక అభిమాని అడిగిన ప్రశ్నకు స్మార్ట్ గా సమాధానం చెప్పింది. ” చైతు తో పెళ్లి కి అగీకరించడమే ఆయన నాకు ఇచ్చిన పెద్ద బహుమతి” అని సమంత చెప్పింది. అంతటితో ఆగకుండా మామయ్య తనకి ఇన్స్పిరేషన్ అని తెలిపింది. త్వరలోనే తాను నటించే చిత్రాల గురించి తెలియజేస్తానని స్పష్టం చేసింది.
