ఈ ఏడాది ఆల్రెడీ సమంత “సూపర్ డీలక్స్, మజిలీ” సినిమాలతో రెండు సూపర్ హిట్లు కొట్టేసింది. ఆ రెండు సినిమాలు ఇంకా థియేటర్లలో ఆడుతూనే ఉన్నాయి. ఈలోపే సమంత మరో సినిమాతో ప్రేక్షకుల్ని పలకరించడానికి రెడీ అయిపోయింది. నందిని రెడ్డి దర్శకత్వంలో సమంత ప్రధాన పాత్రలో రూపొందిన “ఓ బేబీ” ఎప్పుడు మొదలయ్యిందో తెలియదు కానీ.. అప్పుడే షూటింగ్ తోపాటు పోస్ట్ ప్రొడక్షన్ వర్క్ కూడా పూర్తి చేసుకొందట. జూన్ నెలాఖరుకి ఈ చిత్రాన్ని విడుదల చేయాలని ప్లానింగ్ లో ఉన్నారట నిర్మాతలు.
ఓ కొరియన్ సిరీస్ ఆధారంగా రూపొందిన ఈ చిత్రంలో సమంతతోపాటు సీనియర్ నటీమణి శ్రీలక్ష్మి కూడా కీలకపాత్ర పోషిస్తుండగా.. నాగశౌర్య మరో ముఖ్యపాత్ర పోషిస్తున్నాడు. హిలేరియస్ ఎంటర్ టైన్మెంట్ తోపాటు మంచి ఫీల్ కూడా ఉన్న ఈ సినిమా సమంత కెరీర్ లో మరో మైలురాయిగా నిలవడం ఖాయమని అప్పుడే విశ్లేషణలు వెల్లడవుతున్నాయి. సో, సమంత మరోసారి సమ్మర్ కి హ్యాట్రిక్ హిట్స్ సొంతం చేసుకుందన్నమాట. ఈ మూడు సినిమాల్లో సమంతదే కీలకపాత్ర కావడం విశేషం. సమంత స్పీడ్ చూస్తుంటే ఇప్పుడప్పుడే అమ్మడికి మరో హీరోయిన్ పోటీకి వచ్చే పరిస్థితి మాత్రం కనిపించడం లేదు.
Home