స్టార్ హీరోయిన్ సమంత 2021 సంవత్సరంలో విడాకుల ప్రకటన చేసి అందరినీ ఆశ్చర్యపోయేలా చేసిన సంగతి తెలిసిందే. నాగచైతన్యతో సమంత విడిపోతుందని అభిమానులు కలలో కూడా ఊహించలేదు. విడాకుల ప్రకటన తర్వాత కొన్నిరోజులు సైలెంట్ అయిన సమంత మళ్లీ వరుస సినిమాలతో బిజీ అవుతున్నారు. అయితే తాజాగా సమంత విడాకుల ప్రకటన గురించి పరోక్షంగా షాకింగ్ కామెంట్లు చేశారు. తాజాగా సమంత సోషల్ మీడియా వేదికగా సద్గురు కోట్ ను పోస్ట్ చేశారు.
సమంత షేర్ చేసిన ఆ కోట్ లో మీరు లైఫ్ లో ఎన్నో భయంకరమైన పరిస్థితులను ఎదుర్కొన్నప్పటికీ ఆ అనుభవంను లైఫ్ లో ముందుకు వెళ్లడానికి, మంచి మనిషిగా జీవనం సాగించడానికి ఉపయోగించుకోవచ్చు అని సమంత చెప్పుకొచ్చారు. 2022 సంవత్సరం నుంచి తనకు లైఫ్ పై పెద్దగా అంచనాలు లేవని సమంత పేర్కొన్నారు. 2021 సంవత్సరంలో తన పర్సనల్ లైఫ్ లో జరిగిన ఘటన వల్ల నాకు ఈ ఏడాదిపై ఎలాంటి అంచనాలు లేవని సామ్ అన్నారు.
తాను జాగ్రత్తగా రూపొందించుకున్న ప్లాన్స్ అన్నీ శిథిలమయ్యాయని ఆమె చెప్పుకొచ్చారు. అందువల్ల 2022 సంవత్సరంపై ఎలాంటి అంచనాలను ఏర్పరచుకోలేదని సమంత కామెంట్లు చేశారు. భవిష్యత్తులో ఏది భద్రంగా ఉంటుందో దానిని మాత్రమే తాను స్వీకరిస్తానని ఆమె పేర్కొన్నారు. భవిష్యత్తు కొరకు నా వంతుగా బెస్ట్ ఇవ్వడానికి తాను ప్రయత్నం చేస్తానని సమంత చెప్పుకొచ్చారు. సమంత చేసిన కామెంట్లు సోషల్ మీడియాలో వైరల్ అవుతున్నాయి.
తన మనస్సులోని బాధను సోషల్ మీడియా పోస్టుల ద్వారా సమంత వెల్లడిస్తుండటం గమనార్హం. సమంత నటించిన శాకుంతలం సినిమా నుంచి తాజాగా ఫస్ట్ లుక్ విడుదలై ప్రేక్షకులను ఆకట్టుకుంది. సమంత ప్రస్తుతం యశోద సినిమాలో నటిస్తుండగా ఈ సినిమా ప్రమోషన్స్ మొదలుకావాల్సి ఉంది. సమంత చేతిలో బాలీవుడ్, హాలీవుడ్ సినిమాలు కూడా ఉన్నాయని ప్రచారం జరుగుతోంది.
Most Recommended Video
‘భీమ్లా నాయక్’ లోని అదిరిపోయే డైలాగులు ఇవే..!
సెలబ్రిటీ కపుల్స్ నయా ట్రెండ్.. ‘సరోగసీ’..!
చైసామ్, ధనుష్- ఐస్ లు మాత్రమే కాదు సెలబ్రిటీల విడాకుల లిస్ట్ ఇంకా ఉంది..!
