పెళ్లి అయిన తర్వాత భర్తతో కలిసి భర్త ముందుకెతుంది. లేదా అతని అడుగుజాడల్లో నడుస్తుంది. అందుకు భిన్నంగా సమంత తన భర్తకి పోటీగా నిలబడుతోంది. అక్కినేని కోడలు సమంత చేసిన తొలి లేడీ ఓరియెంటెడ్ చిత్రం “యు టర్న్”. కన్నడలో హిట్ అయిన ఈ చిత్రాన్ని తెలుగు, తమిళ భాషల్లో ఒకేసారి రీమేక్ చేశారు. పవన్ కుమార్ దర్శకత్వం వహించిన ఈ సినిమాలో సమంత జర్నలిస్ట్ గా కనిపించనుంది. భూమిక, అది పినిశెట్టి , రాహుల్ రవీంద్రన్ ముఖ్య పాత్రల్లో నటిస్తున్న ఈ మూవీ వినాయకచవితి కానుకగా సెప్టెంబర్ 13న థియేటర్లోకి రానుంది.
అదే రోజు నాగచైతన్య నటించిన శైలజా రెడ్డి అల్లుడు మూవీ వస్తోంది. సో భర్త నుంచి గట్టి పోటీ తప్పదని భావించిన సమంత ప్రచారంపై దృష్టి పెట్టింది. ఈ చిత్రం కోసం ఓ “ది ఖర్మ థీమ్” అనే ప్రచార పాటని సిద్ధంచేసింది. శ్రీ సాయి కిరణ్ రాసిన ఈ పాటను రాయగా.. యువ సంగీత దర్శకుడు అనిరుధ్ సంగీతాన్ని అందించారు. ఈ పాటని యు టర్న్ దర్శకుడు పవన్ కాకుండా కృష్ణ మారిముత్తు షూట్ చేయటం విశేషం. ఈ సాంగ్ లో సమంత అదిరిపోయే స్టెప్స్ వేసింది. అలాగే సినిమాలోని మూడ్ ని కంటిన్యూ చేసింది. శ్రీనివాస సిల్వర్ స్క్రీన్ పతాకం ఫై శ్రీనివాస్ చిట్టూరి, రాంబాబు బండారు సంయుక్తంగా నిర్మించిన యు టర్న్ రోజురోజుకి ఆసక్తిని పెంచుకుంటోంది.
