గోపీచంద్ హీరోగా సంపత్ నంది డైరెక్షన్ లో తెరకెక్కిన సీటీమార్ సినిమాకు బ్లాక్ బస్టర్ టాక్ వచ్చిన సంగతి తెలిసిందే. ఏమైంది ఈవేళ, రచ్చ, బెంగాల్ టైగర్ సినిమాలతో విజయాలను అందుకున్న సంపత్ నందికి గౌతమ్ నంద రిజల్ట్ షాకిచ్చింది. అయితే సంపత్ నంది సీటీమార్ సినిమాతో సక్సెస్ ట్రాక్ లోకి వచ్చారు. సీటీమార్ ప్రమోషన్స్ లో భాగంగా సంపత్ నంది మాట్లాడుతూ తాను, గోపీచంద్ సరైన సక్సెస్ కోసం ఎదురుచూస్తున్నామని చెప్పారు.
సీటీమార్ కలెక్షన్లను చూస్తే తన కెరీర్ లో, గోపీచంద్ కెరీర్ లో ఈ సినిమా బెస్ట్ సినిమాగా నిలుస్తుందని అనిపిస్తుందని సంపత్ నంది అన్నారు. సీటీమార్ సినిమాకు వచ్చిన స్థాయిలో ఆరంభ వసూళ్లను ఈ మధ్య కాలంలో తాను చూడలేదని థియేటర్లకు సీటీమార్ మూవీతో ఊపు వచ్చిందని సినీ ప్రముఖులు చెబుతున్నారని సంపత్ నంది చెప్పుకొచ్చారు. కబడ్డీకి వాణిజ్య అంశాలను జోడిస్తే ప్రేక్షకులకు నచ్చుతందని భావించానని సంపత్ తెలిపారు. సీటీమార్ మూవీతో తన నమ్మకం నిజమైందని ఈ సినిమాలోని డైలాగ్స్ కు ప్రశంసలు దక్కుతున్నాయని సంపత్ నంది చెప్పుకొచ్చారు.
ఈ సినిమా రిజల్ట్ తో గోపీచంద్ ఫ్యాన్స్ దాహం తీరిందని ప్రభాస్ ఈ సినిమా సక్సెస్ గురించి పోస్టులు పెట్టడం తనకు సంతోషం కలిగించిందని సంపత్ నంది పేర్కొన్నారు. ప్రభాస్ ఇచ్చిన మద్దతు, ప్రోత్సాహంకు థ్యాంక్స్ అని సంపత్ నంది కామెంట్లు చేశారు. పదేళ్లకు సరిపడా కథలు సిద్ధం చేసుకున్నానని మాస్ సినిమాలను తెరకెక్కించడమే తనకు ఇష్టమని సంపత్ నంది చెప్పుకొచ్చారు.
Most Recommended Video
టక్ జగదీష్ సినిమా రివ్యూ & రేటింగ్!
సీటీమార్ సినిమా రివ్యూ & రేటింగ్!
తలైవి సినిమా రివ్యూ & రేటింగ్!
Home
