మహేష్ సినిమాపై క్లారిటీ ఇచ్చిన సందీప్.. ఏం చెప్పారంటే?

November 28, 2023 / 10:46 AM ISTByFilmy Focus

Join Us

మహేష్ సినిమాపై క్లారిటీ ఇచ్చిన సందీప్.. ఏం చెప్పారంటే?

సూపర్ స్టార్ మహేష్ బాబు ప్రస్తుతం వరుస ప్రాజెక్ట్ లతో బిజీగా ఉన్నారు. యానిమల్ మూవీ ట్రైలర్ రిలీజ్ అయినప్పటి నుండి మహేష్ బాబు ఈ సినిమాను రిజెక్ట్ చేశారని జోరుగా ప్రచారం జరుగుతోంది. ఈ సినిమాను మహేష్ రిజెక్ట్ చేసినట్టు జరుగుతున్న ప్రచారం వల్ల కొంతమంది మహేష్ బాబుపై ట్రోల్స్ చేశారు. ఈ ట్రోల్స్ హద్దులు దాటుతున్న నేపథ్యంలో సందీప్ రెడ్డి వంగా వైరల్ అవుతున్న వార్తలపై స్పందించారు.

సూపర్ స్టార్ మహేష్ బాబుకు చెప్పింది యానిమల్ కథ కాదని సందీప్ రెడ్డి వంగా అన్నారు. మహేష్ బాబుకు డెవిల్ అనే కథ చెప్పానని రెండు కథలు ఒకేలా ఉన్నాయని ఆయన కామెంట్లు చేశారు. కాకపోతే మా ఇద్దరి కాంబోలో కుదరలేదని ఆయన పేర్కొన్నారు. సందీప్ రెడ్డి వంగా క్లారిటీ ఇచ్చిన నేపథ్యంలో ఇకనైనా ఈ వార్తలు ఆగిపోతాయేమో చూడాల్సి ఉంది. భూషణ్ కుమార్ తో టీమ్ అప్ కావడం సంతోషంగా ఉందని సందీప్ అన్నారు.

యానిమల్ మూవీకి అడ్వాన్స్ బుకింగ్స్ బాగుండటం సంతోషంగా ఉందని వెల్లడించారు. అర్జున్ రెడ్డి, యానిమల్ లాంటి పాత్రలను క్రియేట్ చేయడం ఎలా సాధ్యమవుతుందో చెప్పలేనని తండ్రీకొడుకుల కథలతో ఎన్నో సినిమాలు తెరకెక్కాయని నేను చేసే సినిమాలో ఏదైనా కొత్తగా చూపించాలని అనుకుంటున్నానని సందీప్ పేర్కొన్నారు. యానిమల్ కథను తెలుగులో తీయాలని అనుకుంటే మహేశ్ తో తీసేవాడినని ఆయన తెలిపారు.

రణ్ బీర్ తో వర్క్ చేయడం సంతోషాన్ని కలిగించిందని వయస్సులో రణ్ బీర్ నాకంటే చిన్నావాడని అన్నారు. రణ్ బీర్ చేసిన వర్క్ కు నిజంగా కాళ్లు మొక్కాలని సందీప్ చెప్పుకొచ్చారు. రణ్ బీర్ కు ఉన్న ఓర్పు ఎవరిలో చూడలేదని ఆయన కామెంట్లు చేశారు. డీప్ ఫేక్ వీడియో గురించి రష్మిక మాట్లాడుతూ ఇలాంటి ఘటనలు ప్రస్తుతం ఎన్నో ఎదురవుతున్నాయని పేర్కొన్నారు. ఈ ఘటన నార్మల్ కాదని తప్పకుండా స్పందించాలని అనుకున్నానని రష్మిక తెలిపారు.