ఇండియాలో ఉన్న గొప్ప దర్శకుల్లో సంజయ్ లీలా భన్సాలీ ఒకరు. తన కెరీర్ లో ‘దేవదాస్’, ‘రామ్ లీలా’, ‘బాజీరావు మస్తానీ’, ‘పద్మవత్’ ఇలా ఆయన తీసిన సినిమాలన్నీ క్లాసిక్స్ గా నిలిచాయి. తన పాతికేళ్ల కెరీర్ లో ఆయన చేసిన సినిమాలు మాత్రం చాలా తక్కువ. ఒక్కో సినిమాకు మూడు, నాలుగేళ్లు సమయం తీసుకొని అద్భుతంగా సినిమాలను తీస్తుంటారు భన్సాలీ. ‘పద్మావత్’ సినిమా తరువాత ఆయన సల్మాన్ ఖాన్ తో ఓ సినిమా చేయాలనుకున్నారు.
కానీ ఆ సినిమా ముందుకు కదల్లేదు. దీంతో అలియా భట్ ప్రధాన పాత్రలో ‘గంగూబాయి కతియావాడి’ అనే గ్యాంగ్ స్టర్ సినిమా తీశారు. ఇప్పుడు ఈ సినిమా విడుదలకు సిద్ధమైంది. ఇదిలా ఉండగా.. భన్సాలీ తన తదుపరి సినిమా కోసం ప్లాన్ చేస్తున్నారు. ‘హీరా మండి’ అనే పేరుతో భారీ సినిమాను తీయడానికి సన్నాహాలు చేస్తున్నారు. ఇందులో బాలీవుడ్ తారలు నటిస్తారని వార్తలొస్తున్నాయి. మొదట సినిమాగా తీయాలనుకున్న ఈ ప్రాజెక్ట్ ను ఇప్పుడు వెబ్ సిరీస్ గా రూపొందించబోతున్నారు.
నెట్ ఫ్లిక్స్ భాగస్వామ్యంతో వందల కోట్ల బడ్జెట్ లో భారీగా ఈ సిరీస్ తీయడానికి డీల్ కుదిరింది. దీంతో ఈ ప్రాజెక్ట్ పై హైప్ మరింత పెరిగింది. భారత్‌కు స్వాతంత్య్రం రావడానికి ముందు పరిస్థితుల నేపథ్యంలో ఈ సిరీస్ ను రూపొందించనున్నారు.
Most Recommended Video
నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!
