Sridevi Shoban Babu: సంతోష్ శోభన్ కొత్త సినిమా రిలీజ్ కు రెడీ!

చిన్న హీరోలు తమ సినిమాలను రిలీజ్ చేసేప్పుడు టైమింగ్ చూసుకొని రిలీజ్ చేయాలి. ముందు వెనుక చూసుకోకుండా కంటెంట్ మీద ఉన్న నమ్మకంతో తీసుకునే నిర్ణయాలు ఒక్కోసారి ప్రభావం చూపించే ఛాన్స్ ఉంది. మొన్నామధ్య బెల్లంకొండ గణేష్ నటించిన ‘స్వాతిముత్యం’ సినిమా బాగానే ఉన్నప్పటికీ.. రాంగ్ టైంలో రిలీజ్ చేయడం వలన బాక్సాఫీస్ ఫెయిల్యూర్ గా నిలిచింది. ఇప్పుడు అలాంటి ఒక రిస్క్ తీసుకోబోతున్నారు యంగ్ హీరో సంతోష్ శోభన్. అందం, టాలెంట్ రెండూ ఉన్నా.. అదృష్టం కలిసి రాక ఇబ్బంది పడుతున్నారు ఈ హీరో.

ఇతడు నటించిన కొత్త సినిమా ‘శ్రీదేవి శోభన్ బాబు’ని ఈ నెల 18న థియేటర్లలో విడుదల చేయబోతున్నారు. దీని టీజర్ కొన్నాళ్లక్రితం ‘ఆచార్య’ ప్రీరిలీజ్ ఈవెంట్ లో రిలీజ్ చేసిన సంగతి తెలిసిందే. దాని గురించి కూడా జనాలు మర్చిపోయారు. సరైన ప్రమోషన్స్ కూడా లేకుండా ఇప్పుడు ఈ సినిమాను రిలీజ్ చేయడానికి రెడీ అవుతున్నారు. ప్రశాంత్ కుమార్ దిమ్మల డైరెక్ట్ చేసిన ఈ సినిమాను మెగాస్టార్ కూతురు సుష్మిత కొణిదెల నిర్మించారు. కమ్రాన్ ఈ సినిమాకి సంగీతం అందించారు.

టైటిల్ కి తగ్గట్లే ఈ సినిమా తొంభైలలో జరిగే కథ. ఇప్పుడు ఉన్నట్టుండి ఈ సినిమా రిలీజ్ డేట్ ని అనౌన్స్ చేశారు. ఫిబ్రవరి 17న ధనుష్ ‘సార్’ సినిమా వస్తోంది. సితార సంస్థ నిర్మించిన సినిమా కాబట్టి భారీ ఎత్తున దీన్ని రిలీజ్ చేస్తారు. అదే రోజున కిరణ్ అబ్బవరం ‘వినరో భాగ్యము విష్ణు కథ’ కుల వస్తోంది. ఈ రెండు సినిమాల కంటే వారం రోజుల ముందు కళ్యాణ్ రామ్ ‘అమిగోస్’ వస్తోంది. దీనిపై మంచి బజ్ ఉంది

కాబట్టి రెండో వారానికి కూడా థియేటర్లు హోల్డ్ చేసే ఛాన్స్ ఉంది. వీటితో పాటు ‘అల వైకుంఠపురములో’ రీమేక్ ‘షెహజాదా’ కూడా ఫిబ్రవరి 17నే వస్తుంది. ఇన్ని సినిమాల మధ్య ఎలాంటి అంచనాలు లేని ‘శ్రీదేవి శోభన్ బాబు’ సినిమా రిలీజ్ అవుతుందంటే రిస్క్ అనే చెప్పాలి. రీసెంట్ గానే సంక్రాంతికి ‘కళ్యాణం కమనీయం’ సినిమాతో ప్రేక్షకుల ముందుకొచ్చి డిజాస్టర్ అందుకున్నారు సంతోష్ శోభన్. ఇప్పుడు మరోసారి రిస్క్ తీసుకొని రిలీజ్ డేట్ ప్రకటించారు. ఈసారి ఏమవుతుందో చూడాలి!

రైటర్‌ పద్మభూషణ్‌ సినిమా రివ్యూ & రేటింగ్!
రెబల్స్ ఆఫ్ తుపాకుల గూడెం సినిమా రివ్యూ & రేటింగ్!

మైఖేల్ సినిమా రివ్యూ & రేటింగ్!
టాలీవుడ్ లో రీమిక్స్ చేసిన 20 తెలుగు పాటలు ఇవే!