వైరల్ అవుతోన్న ‘సరిలేరు నీకెవ్వరు’ స్టోరీ..!

టాలీవుడ్ సూపర్ స్టార్ మహేష్ బాబు హీరోగా అనిల్ రావిపూడి డైరెక్షన్లో తెరకెక్కుతోన్న చిత్రం ‘సరిలేరు నీకెవ్వరు’. 2020 సంక్రాంతి కానుకగా ఈ చిత్రం విడుదల కాబోతుంది. అధికారికంగా ఇంకా రిలీజ్ డేట్ ప్రకటించకపోయినా జనవరి 11నే ఫిక్స్ చేసారని తెలుస్తుంది. రష్మిక మందన హీరోయిన్ గా నటిస్తున్న ఈ చిత్రంలో లేడీ సూపర్ స్టార్ విజయశాంతి 13 ఏళ్ళ తరువాత నటిస్తుండడం విశేషం. ఇక ఈ మధ్యే విడుదలైన ఈ చిత్రం టీజర్ యూట్యూబ్ లో సరికొత్త రికార్డులు క్రియేట్ చేస్తుండడం విశేషం.

ఇదిలా ఉంటే ఈ చిత్రం కథ ఇదేనంటూ సోషల్ మీడియాలో తెగ డిస్కషన్లు జరుగుతున్నాయి. అనాధ అయిన మేజర్ అజయ్ కృష్ణ బోర్డర్ లో పోరాడుతుంటుంటాడు. అతనికి ఓ స్నేహితుడు ఉంటాడు. అతనే హీరో సత్యదేవ్. ఒక అటాక్ లో అజయ్ స్నేహితుడు చనిపోతాడు. అతను చనిపోయే ముందు తన ఫ్యామిలీ బ్యాక్ గ్రౌండ్ గురించి చెబుతాడు. రాయలసీమలో జరుగుతున్న అన్యాయాల్ని.. ఎదుర్కొంటూ పోరాడుతూ ఉంటుంది విజయశాంతి. ఈమె సత్యదేవ్ కు తల్లి. తనని క్షేమంగా చూసుకోమని చెబుతూ చనిపోతాడు మహేష్ స్నేహితుడు సత్యదేవ్. అలా రాయలసీమకు బయల్దేరుతున్న టైములో.. ట్రైన్ లో హీరోయిన్ కలవడం ఆ ట్రాక్ ఓ గంట వరకూ ఉంటుందని తెలుస్తుంది. తన స్నేహితుడు తల్లి అయిన విజయశాంతికి మేజర్ అజయ్ కృష్ణ ఎలా సహాయపడ్డాడు.. రాయలసీమలో అరాచకాల్ని అరికట్టి వాళ్లందరినీ ఎలా మంచిగా మార్చాడు అనేది మిగిలిన కథ అని తెలుస్తుంది. చూస్తుంటే ఈ చిత్రం కథలో ‘అతడు’ ‘మహర్షి’ వంటి సినిమాల పోలీకలు కనిపిస్తున్నాయి కదూ…! అయితే మహేష్ లోని కామెడీ మరియు యాక్షన్ ఎలిమెంట్స్ ను రంగరించి అనిల్ రావిపూడి ఈ చిత్రాన్ని తెరకెక్కిస్తున్నాడని తెలుస్తుంది. మరి ఈ కథలో ఎంతవరకూ నిజముందో తెలియాల్సి ఉంది.

“జార్జ్ రెడ్డి” సినిమా రివ్యూ & రేటింగ్!
24 గంటల్లో అత్యధిక లైక్స్ సాధించిన సౌత్ సినిమా టీజర్లు ఇవే..!