Satya Dev: ఇప్పటి నుండే అన్ని ప్లాన్లు వేసుకుంటున్న ట్యాలెంటెడ్ హీరో..!

July 9, 2021 / 08:02 PM ISTByFilmy Focus

Join Us

Satya Dev: ఇప్పటి నుండే అన్ని ప్లాన్లు వేసుకుంటున్న ట్యాలెంటెడ్ హీరో..!

మిస్టర్ పెర్ఫెక్ట్, సీతమ్మ వాకిట్లో సిరిమల్లె చెట్టు, అత్తారింటికి దారేది, ముకుంద వంటి సినిమాల్లో సైడ్ క్యారెక్టర్లు వేసిన సత్యదేవ్ ను హీరోని చేశాడు పూరి జగన్నాథ్. అలా అని ఇతను క్యారెక్టర్ ఆర్టిస్ట్ గా కొనసాగడం మానలేదు. ఓ పక్క హీరోగా చేస్తూనే మరో పక్క నెగిటివ్ షేడ్స్ ఉన్న పాత్రలు, సెకండ్ హీరో.. ఇలా అన్ని రకాల పాత్రలు పోషిస్తున్నాడు సత్య దేవ్. గతేడాది ఉమా మహేశ్వర ఉగ్ర రూపస్య చిత్రంతో సోలో హీరోగా హిట్టు కూడా కొట్టాడు.

అంతేకాదు బాలీవుడ్ లో కూడా నటించాడు అలాగే సాహో లో నీల్ నితిన్ ముకేష్ కు, ఆకాశం నీ హద్దురా తెలుగు వెర్షన్ లో హీరో సూర్యకు డబ్బింగ్ కూడా చెప్పాడు. అంతేకాదు ఇతనిలో రైటర్ కూడా ఉన్నాడు. తన సినిమాలకు రచనా సహకారం కూడా అందిస్తూ ఉంటాడట. అంతేకాదు డైరెక్టర్ గా కూడా మారాలని ప్లాన్ చేసుకుంటున్నాడు. అయితే ఇప్పుడు కాదు. దానికి 5 ఏళ్ళు టైం పెట్టుకున్నాడు.

అయితే అందుకు సంబంధించిన వర్క్ ఆల్రెడీ మొదలుపెట్టేశాడు సత్యదేవ్. తనకి వచ్చిన ఐడియాలను రికార్డు చేసుకుని పెట్టుకుంటున్నాడు అని సమాచారం. చూస్తుంటే ఇతను కూడా టాలీవుడ్ విజయ్ సేతుపతి అయ్యేలా ఉన్నాడని ఇండస్ట్రీలో కొంతమంది కామెంట్లు చేస్తున్నారు.