Rao Bahadur: ఏంటీ ఇది ‘బాహుబలి’, ‘ఆర్‌ఆర్‌ఆర్‌’ రేంజి సినిమానా… అంచనాలు ఎక్కువవలేదా?

మా సినిమా బాగుంటుంది, మా సినిమా సూపర్‌గా ఉంటుంది, మా సినిమా మిమ్మల్ని ఆకట్టుకుంటుంది. ఇలాంటి మాటలు సినిమా పరిశ్రమలో ఎన్నో ఏళ్ల నుండి వింటూనే ఉన్నాం. అందులో నిజమైన సందర్భాలు చాలా తక్కువ. అంటే విన్నింగ్‌ పర్సంటేజీ తక్కువ అని అర్థం. ఇలాంటి సమయంలో ఓ సినిమా గురించి గొప్పగా చెప్పే క్రమంలో హిట్‌ సినిమాలను పోల్చడం సరికాదు. దీని వల్ల ఈ ట్రోలింగ్‌ సమయంలో రెండు ఇబ్బందులు వస్తాయి. విజయం సాధిస్తే ఓకే లేదంటే ట్రోలర్లు, మీమర్లు డ్యూటీ ఎక్కేస్తారు.

Rao Bahadur

ఇప్పుడు ఇదంతా ఎందుకు అంటే.. టాలీవుడ్‌లో పెద్ద అంచనాలతో రూపొందుతున్న ఓ సినిమా ప్రచార కార్యక్రమంలో ఇలాంటి పోలిక ఒకటి కనిపించింది. సినిమా మీద ఉన్న అపారమైన నమ్మకంతో అలా మాట్లాడారు అని అనుకుంటే ఓకే. కానీ ఇలాంటి మాటలు సినిమా మీద అంచనాలను భారీగా పెంచేస్తాయి. వాటిని అందుకోకపోతే ఏమవుతుందో ‘పెద్ది’ సినిమా విషయంలో రీసెంట్‌గానే చూశాం. ఇప్పుడు ఇలాంటి కామెంట్లు వచ్చిన సినిమా ‘రావు బహదూర్‌’.

జులై 3న ‘రావు బహదూర్‌’ సినిమా విడుదలైన తర్వాత మిగిలిన ఇండస్ట్రీలన్నీ ఈ సినిమా గురించి మాట్లాడుకుంటాయని హీరో సత్యదేవ్‌ అన్నాడు. వెంకటేశ్‌ మహ దర్శకత్వంలో ఆయన హీరోగా రూపొందిన సినిమా ఇది. ఈ సినిమా మీద తనకు ఎంత నమ్మకం ఉందో చెప్పాడు. ఈ ఏడాది అన్ని శుక్రవారాలతో పోలిస్తే జులై 3న వచ్చే శుక్రవారం ప్రత్యేకం. తెలుగులో ఒక క్రేజీ మూవీ వచ్చిందని అందరూ అనుకుంటారు అని చెప్పారు.

అక్కడితో ఆయన ఆగకుండా ‘బాహుబలి’, ‘ఆర్‌ఆర్‌ఆర్’ సినిమాల గురించి విదేశీయులు ఎలాగైతే మాట్లాడుకున్నారో ఈ సినిమా గురించి కూడా మాట్లాడతారు అని స్ట్రాంగ్‌ కామెంట్‌ చేశారు. అలాగే ఈ సినిమాలో కాస్ట్యూమ్స్‌ గురించి చెబుతూ ఒక సన్నివేశంలో తాను వేసుకున్న దుస్తులు 1950- 60 కాలంలోనివని చెప్పాడు. ముంబయిలో జరిగిన వేలం కొన్న ఆ దుస్తులను ఈ సినిమాలో వాడామని చెప్పారు. మరి ఈ కామెంట్లు ఎంతవరకు నిజమవుతాయో చూడాలి.

ఆ సినిమా రిలీజ్‌ ఆపండి.. కోర్టుకెక్కిన స్టార్‌ హీరో