తమన్నా, గోపిచంద్ కబడ్డీ.. డేట్ ఫిక్స్

January 25, 2021 / 09:22 AM IST

Join Us

టాలీవుడ్ ఇండస్ట్రీలో సక్సెస్ కోసం ఎక్కువగా ఎదురుచూస్తున్న హీరోలలో గోపిచంద్ ఒకరు. ఈ హీరో హిట్టు చూసి దాదాపు ఐదేళ్లు అవుతోంది. ఆక్సిజన్, పంతం, చాణక్య వంటి సినిమాలు బ్యాక్ టూ బ్యాక్ డిజాస్టర్ అయిన విషయం తెలిసిందే. ఆ మధ్యలో గౌతమ్ నంద అంటూ హడావుడి గట్టిగానే చేశాడు కానీ అసలు సినిమా అనుకున్నంత రేంజ్ లో లాభాలను అంధించలేదు. ఇక అసలు మ్యాటర్ లోకి వస్తే గోపీచంద్ ప్రస్తుతం గౌతమ్ నంద దర్శకుడైన సంపత్ నందితోనే మరో సినిమా చేస్తున్నాడు.

సీటీమార్ అనే ఆ సినిమా రిలీజ్ పై ఇంతవరకు అఫీషియల్ ఎనౌన్స్మెంట్ ఇవ్వలేదు. అయితే ఇటీవల దర్శకుడు నిర్మాతతో జరిపిన చర్చల ప్రకారం సినిమా ఉగాదికి ప్రేక్షకుల ముందుకు రావచ్చని అంటున్నారు. అసలైతే కరోనా లాక్ డౌన్ లేకపోయి ఉంటే గత ఏడాదిలోనే ప్రేక్షకుల ముందుకి వచ్చి ఉండేది. ఇక ఈ సినిమాలో గోపిచంద్, తమన్నా మహిళా కబడ్డీ జట్లకు కోచ్ లుగా కనిపించబోతున్నారు. గతంలో ఎప్పుడు లేని విధంగా గోపీచంద్ డిఫరెంట్ షేడ్స్ తో కనిపిస్తాడని సమాచారం.

తమన్నా పాత్ర కూడా సినిమాలో చాలా పవర్ఫుల్ గా ఉంటుందట. ఇక దర్శకుడు సంపత్ నంది సినిమాను కూల్ గా ఉగాదికి రిలీజ్ చేసి ఫెస్టివల్ సీజన్ లో ఫ్యామిలీ ఆడియేన్స్ ను టార్గెట్ చేసే విధంగా సినిమాను ప్రమోట్ చేయాలని అనుకుంటున్నాడు. మరి సినిమా విడుదల అనంతరం ఎలాంటి రిజల్ట్ ను అందుకుంటుందో చూడాలి.