తెలుగు తెరకు పరిచయమవుతున్న మరో కన్నడ బ్యూటీ

యంగ్ టాలెంట్ తో సరికొత్త సినిమాలు తెరకెక్కించి సూపర్ హిట్లు కొట్టడంలో శేఖర్ కమ్ముల స్పెషలిస్ట్. ఆయన సినిమాల ద్వారా పరిచయమైన కథానాయకులు ఎంత సక్సెస్ అయ్యారో తెలియదు కానీ.. హీరోయిన్లు మాత్రం ఇండస్ట్రీలో సుస్థిర స్థానం సంపాదించుకోవడమే కాక బిజీయస్ట్ హీరోయిన్స్ గానూ నిలిచిపోయారు. తమన్నా, కమలినీ ముఖర్జీ, రిచా గంగోపాధ్యాయ, ప్రియా ఆనంద్, సాయి పల్లవి వంటి వాళ్ళందరూ ఈ కోవకు చెందినవారే. ఇప్పుడు ఇదే కోవలో మరో కొత్త హీరోయిన్ ను పరిచయం చేయడానికి సన్నద్ధమవుతున్నాడు శేఖర్ కమ్ముల.

అందరూ కొత్తవాళ్లతో ఒక సినిమా ప్లాన్ చేసిన శేఖర్ కమ్ముల ఆ చిత్రంలో హీరోయిన్ గా కన్నడ సుందరు అమృత అయ్యర్ ను సెలక్ట్ చేశాడు. తమిళంలో విజయ్ అంటోనీ “కాళి”లో హీరోయిన్ గా ఎంట్రీ ఇచ్చినఈ అమ్మడు ఈమధ్యే హైదరాబాద్ వచ్చి ఆడిషన్‌లో పాల్గొని కమ్ములను మెప్పించిందట. ఈ సినిమా కు ఇప్పటికే స్క్రిప్ట్ పూర్తి చేసిన శేఖర్ ఇప్పుడు ప్రీ ప్రొడక్షన్ తో బిజీగా ఉన్నాడు. త్వరలో ఈ సినిమాను లాంచ్ చేసే ప్లానింగ్ లో ఉన్నాడు. ఈ సినిమాను ఏషియన్ సినిమా సునీల్ నారంగ్ నిర్మిస్తాడు