సీనియర్ నటుడు కోసరాజు ఆదిత్య బాహుబలి సినిమాలో “ఈశాన్యం బరువు పెరిగిపోయింది” అనే డైలాగ్ ద్వారా ఊహించని స్థాయిలో పాపులారిటీ పెంచుకున్నారు. ఈ నటుడు ఒక ఇంటర్వ్యూలో మాట్లాడుతూ ప్రభాస్ గొప్పదనం, మంచితనం గురించి ఆసక్తికర విషయాలను వెల్లడించగా ఆ విషయాలు సోషల్ మీడియా వేదికగా తెగ వైరల్ అవుతున్నాయి. బాహుబలిలో రాజగురువుగా కనిపించిన ఈ నటుడు నేను డైలాగ్ గట్టిగా చెబితే ప్రభాస్ డార్లింగ్.. డైలాగ్ మెల్లగా చెప్పు అని చెప్పాడని అన్నారు.
ప్రభాస్ తో ఆ మూమెంట్ లవ్లీ మూమెంట్ అని ఆయన తెలిపారు. ప్రభాస్ సరదాగా కబుర్లు చెబుతాడని ఆయన తెలిపారు. వైజాగ్ కు చెందిన మిర్చి అనే పిల్లవాడు యాక్టింగ్ పిచ్చితో ఇండస్ట్రీకి వచ్చాడని ప్రభాస్ అంటే ఆ కుర్రాడికి ఎంతో అభిమానమని కోసరాజు ఆదిత్య కామెంట్లు చేశారు. ప్రభాస్ లొకేషన్ కు రాగానే మిర్చి ఎక్కడ ఉన్నాడని వెతికేవారని కోసరాజు ఆదిత్య చెప్పుకొచ్చారు.
ప్రభాస్ (Prabhas) తనను అభిమానించే వాళ్లకు అంత ప్రాధాన్యత ఇచ్చేవారని కోసరాజు ఆదిత్య కామెంట్లు చేశారు. 168 రోజులు ఆ సినిమా కోసం పని చేశానని జక్కన్న దగ్గర పని చేయాలనే ఆలోచనతో ఆ సినిమాలో చేశానని కోసరాజు ఆదిత్య వెల్లడించారు. రాజమౌళి కో డైరెక్టర్ సురేష్ ఫోన్ చేసి పిలిపించి ఛాన్స్ ఇచ్చారని ఆయన అన్నారు. రాజమౌళి సినిమాలో పని చేయడం వల్ల ఎంతో నేర్చుకున్నానని ఆదిత్య తెలిపారు.
రాజమౌళి ఫ్యామిలీకి పని తప్ప ఏమీ తెలియదని ఆయన చెప్పుకొచ్చారు. రాజమౌళి చేసి చూపించే దానిలో 10 శాతం చెప్పినా సక్సెస్ అవుతామని ఆయన అన్నారు. రాజమౌళి గొప్ప వ్యక్తి అని ఆదిత్య పేర్కొన్నారు. బాహుబలి సినిమా కోసం చాలా సీరియల్స్ ను వదులుకున్నానని ఆయన వెల్లడించారు. ఆదిత్య చెప్పిన విషయాలు ప్రస్తుతం సోషల్ మీడియా వేదికగా తెగ వైరల్ అవుతున్నాయి.
హాయ్ నాన్న సినిమా రివ్యూ & రేటింగ్!!
‘ఎక్స్ట్రా ఆర్డినరీ మెన్’ సినిమా రివ్యూ & రేటింగ్!
టాలీవుడ్ స్టార్ హీరోయిన్స్ లో దాగున్న టాలెంట్స్ ఏంటో తెలిస్తే షాక్ అవ్వాల్సిందే..!
