తెలుగు సినిమా కథలపై ఇతర భాషల వారు ఆసక్తికనబరుస్తున్నారు. సందీప్ వంగా దర్శకత్వంలో విజయ్ దేవరకొండ, షాలినీ పాండే కలిసి నటించిన “అర్జున్ రెడ్డి” సినిమా రికార్డులను తిరగరాసింది. అందుకే ఈ సినిమాని తమిళంలో బాల “వర్మ”గా తెరకెక్కిస్తున్నారు. తమిళ హీరో విక్రమ్ తనయుడు ధృవ్‌ విక్రమ్ ఈ సినిమాతో హీరోగా పరిచయం అవుతున్నాడు. ఈ మూవీ హిందీలోనూ రీమేక్ అవుతోంది. ఆ సినిమాకి సందీప్ రెడ్డే దర్శకత్వం వహిస్తున్నారు. విజయ్ దేవరకొండ పోషించిన హీరో పాత్రను షాహిద్ కపూర్ పోషిస్తున్నారు. షాలిని పాండే రోల్ చేయడానికి భరత్ అనే నేను బ్యూటీ కైరా అద్వానీ సాయి అని చెప్పింది.
ఈ సినిమా షూటింగ్ ఇటీవలే ప్రారంభ‌మైంది. ఈ సినిమాకు “క‌బీర్ సింగ్‌” అనే టైటిల్‌ను ఫిక్స్ చేశారు. బాలీవుడ్ ఆడియన్స్ ని దృష్టిలో పెట్టుకొని కథలో స్వల్ప మార్పులు చేసినట్లు అర్ధమవుతోంది. టైటిల్ పోస్ట‌ర్‌ను చిత్ర‌బృందం విడుద‌ల చేసింది. టైటిల్ మార్చినప్పటికీ పోస్టర్ థీమ్ ఏమాత్రం మార్చలేదు. నలుపు, ఎరుపు రంగుల్లోనే పోస్టర్ డిజైన్ చేశారు. ఈ పోస్టర్ కి బాలీవుడ్ వర్గాల నుంచి మంచి రెస్పాన్స్ వస్తోంది. భారీ అంచనాలు నెలకొని ఉన్న ఈ మూవీ వచ్చే ఏడాది జూన్ 21న రిలీజ్ కానుంది.
Home
