‘ది ఫ్యామిలీ మ్యాన్’ సీజన్ 1కి ఎంతటి ఆదరణ లభించిందో తెలిసిందే. ఇప్పుడు దీనికి కొనసాగింపుగా రాబోతున్న సీజన్ 2 కోసం అభిమానులు ఆసక్తిగా ఎదురుచూస్తున్నారు. ఇందులో సమంత లాంటి స్టార్ హీరోయిన్ నటిస్తుండడంతో రెండు తెలుగు రాష్ట్రాల్లో ఈ సిరీస్ పై బజ్ పెరిగిపోయింది. అయితే ఈ సిరీస్ కు సంబంధించిన ట్రైలర్ విడుదలైనప్పటి నుండి వివాదం నెలకొంది. ఇందులో సమంత టెర్రరిస్ట్ పాత్రలో కనిపించనున్న సంగతి తెలిసిందే.
ట్రైలర్ లో ఆమె రోల్ చూసిన తమిళులు ఆమెపై మండిపడుతున్నారు. తమిళుల హక్కుల కోసం పోరాడిన వారిని ఈ సిరీస్ లో టెర్రరిస్ట్ లుగా చూపిస్తున్నారని.. ఈ సిరీస్ ను బ్యాన్ చేయాలంటూ డిమాండ్ చేశారు. తమిళనాడు ప్రభుత్వం కూడా సిరీస్ ను బ్యాన్ చేయమని రిక్వెస్ట్ చేసింది. కానీ సిరీస్ రిలీజ్ ను ఏవీ అడ్డుకోలేకపోయాయి. రేపటి నుండి ఈ కొత్త సీజన్ అమెజాన్ ప్రైమ్ లో స్ట్రీమింగ్ కానుంది. విడుదలకు మరో కొన్ని గంటలు మాత్రమే ఉన్న నేపథ్యంలో సోషల్ మీడియాలో సమంతను ట్రోల్ చేస్తున్నారు.
తమిళ కుటుంబానికి చెందిన అమ్మాయివి అయి ఉండి.. తమిళుల మనోభావాలను దెబ్బ తీసే పాత్రలో నటిస్తున్నందుకు సిగ్గుగా లేదా అంటూ కామెంట్స్ చేస్తూ.. #ShameonYouSamantha అనే హ్యాష్ ట్యాగ్ ను వైరల్ చేస్తున్నారు. ఇది చూసిన సమంత ఫ్యాన్స్ ఆమెకి మద్దతు తెలుపుతూ.. #WeSupportSamantha అనే హ్యాష్ ట్యాగ్ ను క్రియేట్ చేసి వైరల్ చేస్తున్నారు. రేపు రిలీజ్ కాబోయే సిరీస్ తో సమంతపై వస్తోన్న నెగెటివిటీ మొత్తం పోతుందని నమ్మకం వ్యక్తం చేస్తున్నారు. మరేం జరుగుతుందో చూడాలి!
Most Recommended Video
ఈ 10 మంది టాప్ డైరెక్టర్లు తెలంగాణ రాష్ట్రానికి చెందిన వాళ్ళే..!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
