గడచిన రెండు నెలల్లో ప్లాపుల్లో ఉన్న ఇద్దరు హీరోలు హిట్లు కొట్టి గట్టెక్కేసారు. వాళ్ళే మన మాస్ మహారాజ్ రవితేజ, అల్లరి నరేష్ లు..! 2017 లో వచ్చిన ‘రాజా ది గ్రేట్’ తరువాత వరుస ప్లాపులను ఫేస్ చేసాడు రవితేజ. ఎట్టకేలకు ఈ 2021 జనవరిలో ‘క్రాక్’ తో బ్లాక్ బస్టర్ కొట్టి స్ట్రాంగ్ కంబ్యాక్ ఇచ్చాడు. ఈ చిత్రంలో రవితేజ పవర్ ఫుల్ పోలీస్ ఆఫీసర్ గా కనిపించాడు. ఇక రవితేజకు మించి.. అంటే గత 8ఏళ్ళుగా ప్లాపులను ఫేస్ చేస్తూ వస్తున్న అల్లరి నరేష్… ఫిబ్రవరిలో విడుదలైన ‘నాంది’ చిత్రంతో హిట్టు కొట్టాడు.
ఇప్పటికీ ఈ చిత్రం డీసెంట్ రన్ ను కొనసాగిస్తుంది. నిజానికి జనవరిలో విడుదలైన ‘బంగారు బుల్లోడు’ తోనే అల్లరి నరేష్ హిట్ కొడతాడేమో అని అంతా అనుకున్నారు కానీ అది వర్కౌట్ కాలేదు. అయినప్పటికీ త్వరగానే గట్టెక్కేసాడు లెండి. ఇక వీరిలానే వరుస ప్లాపుల్లో ఉన్న హీరోల లిస్ట్ లో శర్వానంద్ కూడా ఉన్నాడు. ‘పడి పడి లేచె మనసు’ ‘రణరంగం’ ‘జాను’ వంటి వరుస ప్లాపులతో సతమతమవుతున్నాడు శర్వానంద్. ఇతను కూడా హిట్టు కొట్టి 3 ఏళ్ళు దాటింది. దాంతో ఈ ఏడాది ఎలాగైనా హిట్టు కొట్టాలని ‘శ్రీకారం’ చిత్రంతో ప్రేక్షకుల ముందుకు రాబోతున్నాడు.
మార్చి 11న శివరాత్రి కానుకగా ఈ చిత్రం విడుదల కాబోతుంది. ‘వస్తానంటివో’ అనే మాస్ పాట ఈ చిత్రానికి బోలెడంత క్రేజ్ ను తెచ్చిపెట్టింది. టీజర్, మరియు ట్రైలర్ లు కూడా బాగున్నాయి. సెన్సార్ వారు కూడా ఈ చిత్రానికి ఎటువంటి కట్స్ లేకుండా ‘యు’ సర్టిఫికెట్ ను జారీ చేశారు. ఈ చిత్రానికి వారు కూడా పాజిటివ్ ఫీడ్ బ్యాక్ ఇచ్చారు. కాబట్టి మార్చిలో శర్వా కూడా హిట్టు కొట్టి ప్లాపుల నుండీ బయటపడతాడేమో చూడాలి..!
Most Recommended Video
ఏ1 ఎక్స్ ప్రెస్ సినిమా రివ్యూ & రేటింగ్!
షాదీ ముబారక్ సినిమా రివ్యూ & రేటింగ్!
సీత ఆన్ ది రోడ్ సినిమా రివ్యూ & రేటింగ్!
