ప్రముఖ దర్శకుడు అజయ్ భూపతి డైరెక్షన్ లో సిద్దార్థ్, శర్వానంద్ హీరోలుగా మహాసముద్రం సినిమా తెరకెక్కుతున్న సంగతి తెలిసిందే. ఆర్.ఎక్స్ 100 సినిమా సక్సెస్ తరువాత అజయ్ డైరెక్షన్ లో వస్తున్న సినిమా కావడంతో ఈ సినిమాపై భారీగా అంచనాలు నెలకొన్నాయి. ఆగష్టు 19వ తేదీన ఈ సినిమా రిలీజ్ చేస్తున్నట్టు గతంలో ప్రకటన వెలువడగా ఆ తేదీకే ఈ సినిమా రిలీజవుతుందో లేదో చూడాల్సి ఉంది. అయితే ఈ మధ్య కాలంలో శర్వానంద్ నటించిన సినిమాలేవీ ప్రేక్షకులను పెద్దగా ఆకట్టుకోవడం లేదనే సంగతి తెలిసిందే.
మహానుభావుడు సినిమా తర్వాత శర్వానంద్ నటించిన పడిపడి లేచే మనస్సు, రణరంగం, జాను, శ్రీకారం సినిమాలు ఒకదానిని మించి మరొకటి ఫ్లాప్ అయ్యాయి. వరుస ఫ్లాపుల వల్ల శర్వానంద్ మార్కెట్ కూడా తగ్గింది. శర్వానంద్ భారీ సక్సెస్ ను సాధిస్తే మాత్రమే అతని కెరీర్ పుంజుకునే అవకాశం అయితే ఉంటుంది. అజయ్ భూపతి శర్వానంద్ జాతకాన్ని మారుస్తారేమో చూడాల్సి ఉంది. మహాసముద్రం సినిమా కూడా అనుకున్న స్థాయిలో సక్సెస్ కాకపోతే శర్వానంద్ భవిష్యత్తు సినిమాలపై ఆ ప్రభావం పడే అవకాశం ఉంటుంది.
ఇప్పటికే మహాసముద్రం సినిమా షూటింగ్ పూర్తి కాగా మేకర్స్ త్వరలో ఈ సినిమా ప్రమోషన్స్ మొదలుపెడతారని సమాచారం. ఈ సినిమాలో అను ఇమ్మాన్యుయేల్, అదితిరావు హైదరీ హీరోయిన్లుగా నటిస్తున్నారు. వైజాగ్ లో ఈ మూవీ షూటింగ్ జరగగా జగపతి బాబు, రావు రమేష్ ఈ సినిమాలో కీలక పాత్రలు పోషించినట్లు తెలుస్తోంది.
Most Recommended Video
విజయేంద్ర ప్రసాద్ గారి గురించి 10 ఆసక్తికరమైన విషయాలు..!
ఈ 10 స్పీచ్ లు వింటే ఈ స్టార్లకు ఫ్యాన్స్ అయిపోతారు అంతే..!
నయన్, అవికా టు అలియా.. డేటింగ్ కి ఓకే పెళ్ళికి నొ అంటున్న భామలు..!
