నివేదా థామస్ పై అసభ్యకరమైన కామెంట్లు..!

సోషల్ మీడియా ఊపు ఎక్కువైన తరుణంలో సెలెబ్రిటీలతో నేరుగా చెప్పాలనుకున్నది చెప్పేస్తున్నారు నెటిజన్లు. అలాగే ఈ క్రమంలో కొన్ని అసభ్యకరమైన కామెంట్లు కూడా చేసి వారిని ఇబ్బందిపెడుతున్నారా..? అంటే అవుననే చెప్పాలి. తాజగా నివేదా థామస్ విషయంలో కూడా అదే జరిగింది. ‘జెంటిల్ మేన్’ ‘నిన్నుకోరి’ ‘జై లవ కుశ’ ‘118’ ‘బ్రోచేవారెవరురా’ వంటి చిత్రాలతో తెలుగు ప్రేక్షకుల్ని ఆకట్టుకున్న నివేదా ప్రస్తుతం నాని ‘వి’, అలాగే రజినీకాంత్ ‘దర్బార్’ సినిమాల్లో కూడా నటిస్తుంది. ఇదిలా ఉంటే.. సరదాగా కాసేపు తన అభిమానులతో ముచ్చటించాలని చాట్ సెషన్ లో పాల్గొంది నివేదా థామస్..! అయితే ఈ క్రమంలో నెటిజన్లు కాస్త హద్దులు దాటి.. ‘నువ్వు వర్జినేనా’ అసభ్యకరమైన ప్రశ్న వేశారు.

ఈ క్రమంలో నివేదా థామస్ వారికి సమాధానమిస్తూ.. “నాతో చాట్ చేయడానికి సమయం కేటాయించినందుకు అందరికీ థాంక్స్. మీరు అడిగిన ఫన్నీ ప్రశ్నలకు సమాధానాలు చెప్పి చాలా ఎంజాయ్ చేశాను. అయితే మరికొందరు అడిగిన ప్రశ్నలను నేను పట్టించుకోలేదు. చాలా మంది పెళ్లెప్పుడు.. ఒక్క మాటలో చెప్పండి, బాయ్ ఫ్రెండ్స్ ఉన్నారా లేరా, మీరు వర్జినా? కాదా?.. అంటూ దరిద్రమై ప్రశ్నలు వేశారు. ఈ ప్రశ్నలకు నేను సమాధానాలు చెప్పలేదు. మీరు మాట్లాడేది కూడా ఓ మనిషితోనేనని కాస్త గుర్తుంచుకోండి. ఇతరులకు మర్యాద ఇవ్వండి. ఏదేమైనా మీతో చాట్ సెషన్ నేను చాలా ఎంజాయ్ చేశాను. త్వరలో మళ్ళీ కలుద్దాం” అంటూ ఎంతో ఓపికగా చెప్పుకొచ్చింది.

తిప్పరామీసం సినిమా రివ్యూ & రేటింగ్!
ఏడు చేపల కథ సినిమా రివ్యూ & రేటింగ్!