బాహుబలి, బాహుబలి2 సినిమాలు రిలీజై సక్సెస్ సాధించిన తర్వాత టాలీవుడ్ దర్శకనిర్మాతలు విజువల్ ఎఫెక్ట్స్ కు ప్రాధాన్యతనిస్తున్నారు. ప్రభాస్ హీరోగా నటిస్తూ అత్యంత భారీ బడ్జెట్ తో తెరకెక్కుతున్న రాధేశ్యామ్ మూవీలో కూడా విజువల్ ఎఫెక్ట్స్ కు ప్రాధాన్యత ఉంది. అయితే ఈ సినిమాకు సంబంధించి ఇప్పటివరకు కేవలం 50 శాతం విఎఫ్ఎక్స్ వర్క్ పూర్తైందని మిగిలిన 50 శాతం విఎఫ్ఎక్స్ వర్క్ బ్యాలెన్స్ ఉందని సమాచారం. మరోవైపు ప్రభాస్ నటించాల్సిన సన్నివేశాల షూటింగ్ బ్యాలెన్స్ ఉండగా ప్రభాస్ ఈ సినిమాకు ఎప్పుడు డేట్స్ కేటాయిస్తారో తెలియాల్సి ఉంది.
మేకర్స్ ఈ సినిమాకు సంబంధించి అప్ డేట్స్ ఇవ్వకపోవడంతో ప్రభాస్ ఫ్యాన్స్ కు ఈ సినిమా ఎప్పుడు రిలీజవుతుందో అర్థం కావడం లేదు. మరోవైపు బాలీవుడ్ లో రాధేశ్యామ్ సినిమాకు రిలీజ్ డేట్ దొరకడం కూడా అంత తేలిక కాదు. ప్రభాస్ కు జోడీగా ఈ మూవీలో పూజా హెగ్డే నటిస్తున్నారు. ఈ ఏడాదే రాధేశ్యామ్ రిలీజవుతుందా..? అనే ప్రశ్నలు సైతం ఇండస్ట్రీ వర్గాల్లో వినిపిస్తుండటం గమనార్హం. రాధేశ్యామ్ షూటింగ్ పూర్తైనా విఎఫ్ఎక్స్ వర్క్ పూర్తైతే మాత్రమే రిలీజ్ డేట్ కు సంబంధించి క్లారిటీ అయితే వచ్చే అవకాశాలు ఉంటాయి.
ఈ సినిమాలో షాకింగ్ ట్విస్ట్ లు ఉంటాయని పునర్జన్మ నేపథ్యంలో ఈ సినిమా తెరకెక్కనుందని తెలుస్తోంది. జిల్ ఫేమ్ రాధాకృష్ణ కుమార్ ఈ సినిమాకు దర్శకత్వం వహిస్తున్నారు. భాగ్యశ్రీ, కృష్ణంరాజు ఈ సినిమాలో కీలక పాత్రల్లో నటిస్తున్నారు.
Most Recommended Video
విజయేంద్ర ప్రసాద్ గారి గురించి 10 ఆసక్తికరమైన విషయాలు..!
ఈ 10 స్పీచ్ లు వింటే ఈ స్టార్లకు ఫ్యాన్స్ అయిపోతారు అంతే..!
నయన్, అవికా టు అలియా.. డేటింగ్ కి ఓకే పెళ్ళికి నొ అంటున్న భామలు..!
