Jr NTR: షాకిస్తున్న ఎన్టీఆర్ బ్లేజర్ ధర..!

యంగ్ టైగర్ ఎన్టీఆర్ నటన గురించి అతని ఫ్యాన్ ఫాలోయింగ్ గురించి ప్రత్యేకంగా పరిచయం చెయ్యాల్సిన అవసరం లేదు. అతనితో సినిమాలు చెయ్యడానికి దర్శక నిర్మాతలు క్యూలో నిలబడతారు. కోట్లల్లో అతని పారితోషికం ఉంటుంది. అందుకు తగినట్టుగానే అతని లైఫ్ స్టైల్ కూడా ఉంటుంది. విలాసవంతమైన ఇల్లు, గెస్ట్ హౌస్ లు, ఖరీదైన కార్లు.. ఇవన్నీ ఎన్టీఆర్ సొంతం. గతంలో రాజమౌళి కొడుకు కార్తికేయ పెళ్ళికి ఇతను పెట్టుకొచ్చిన వాచ్ కు సంబంధించిన ఫోటోలు సోషల్ మీడియాలో పెద్ద ఎత్తున వైరల్ అయ్యాయి.

దాని ధర ఏకంగా రూ.25 లక్షలు. ఇక ఇటీవల సుకుమార్ కూతురు హాఫ్ శారీ ఫంక్షన్ కు అతను పెట్టుకొచ్చిన మాస్క్ ధర ఏకంగా రూ.2340. అంతేకాదు అతని దుస్తులు షూస్ కూడా ఎంతో ఖరీదైనవే..! త్వరలో జెమినీ టీవీలో ప్రసారం కాబోతున్న ‘ఎవరు మీలో కోటీశ్వరులు’ షోని ఎన్టీఆర్ హోస్ట్ చెయ్యబోతున్న సంగతి తెలిసిందే. అందుకు సంబంధించిన ప్రోమో కూడా పెద్ద ఎత్తున వైరల్ అవుతుంది. ‘ఆట నాది కోటి మీది’ అంటూ ఎన్టీఆర్ చెప్పిన డైలాగ్ కూడా ఆకట్టుకుంది.

అయితే ఈ ప్రోమోలో ఎన్టీఆర్ ధరించిన బ్లేజర్ అందరినీ ఆకర్షించింది. ఎన్టీఆర్ చాలా స్టైలిష్ గా కనిపించడానికి ఇది అదనపు ఆకర్షణగా నిలిచింది. దీని ధర ఎంతో తెలుసా? ఏకంగా రూ.90 వేలు. మనీష్ మల్హోత్రా అనే క్యాస్ట్యూమ్ డిజైనర్ దీనిని డిజైన్ చేయించినట్టు సమాచారం.ఇక సినిమాల విషయానికి వస్తే.. ప్రస్తుతం ‘ఆర్.ఆర్.ఆర్’ సినిమాలో నటిస్తున్న ఎన్టీఆర్ ఆ తరువాత కొరటాల శివ డైరెక్షన్లో ఓ సినిమా చెయ్యబోతున్నాడు.

Most Recommended Video

‘వకీల్ సాబ్ ‘ నుండీ ఆకట్టుకునే 17 పవర్ ఫుల్ డైలాగులు!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!
లాయర్ గెటప్ లలో ఆకట్టుకున్న 12 మంది హీరోలు వీళ్ళే..!