ప్రస్తుతం వెబ్ సిరీస్ లకు డిమాండ్ పెరిగిన సంగతి తెలిసిందే. కరోనా సమయంలో ఓటీటీల హవా పెరగడంతో భారీ ఎత్తున ఒరిజినల్స్ ను సిద్ధం చేస్తున్నారు. ఒకప్పుడు వెబ్ సిరీస్ ల వైపే చూడని సెలబ్రిటీలు సైతం ఇప్పుడు వెబ్ ప్రాజెక్ట్ లలో నటిస్తున్నారు. దక్షిణాది స్టార్ హీరోయిన్లు కాజల్, తమన్నా, సమంత వీరంతా కూడా వెబ్ సిరీస్ లలో నటించారు. శృతిహాసన్ కూడా ‘పిట్టకథలు’ అనే అంథాలజీ వెబ్ ఫిల్మ్ లో నటించింది.
కానీ ఆ సినిమా ఆశించిన స్థాయిలో సక్సెస్ కాలేదు. నాగ్ అశ్విన్ దర్శకత్వంలో ఆమె నటించిన ఎపిసోడ్ కి పెద్దగా రెస్పాన్స్ రాలేదు. తరువాత మళ్లీ వెబ్ సిరీస్, వెబ్ ఫిలిమ్స్ వంక చూడలేదు శృతి. కానీ ఇప్పుడు మరోసారి తన అదృష్టాన్ని పరీక్షించుకోబోతుంది. శృతి ప్రధాన పాత్రలో ఒక ఫుల్ లెంగ్త్ వెబ్ సిరీస్ తెరకెక్కింది. దాని టైటిల్ ఏంటంటే.. ‘బెస్ట్ సెల్లర్’. శృతితో పాటు బాలీవుడ్ నటుడు దీపక్ కీలకపాత్ర పోషిస్తున్నాడు.
బెంగాలీ నటుడు మిథున్ చక్రవర్తి కూడా ఓ ముఖ్యపాత్రలో కనిపించనున్నారు. ర‌వి సుబ్ర‌హ్మ‌ణియ‌న్ రాసిన పాపుల‌ర్ న‌వ‌ల బెస్ట్ సెల్లర్ ఆధారంగా ఈ సిరీస్ ను తెరకెక్కిస్తున్నారు. అమెజాన్ ప్రైమ్ ఈ సిరీస్ ను ప్రొడ్యూస్ చేస్తోంది. ఫిబ్రవరి 18న ఈ సిరీస్ ప్రీమియర్స్ పడనున్నాయి. ఇందులో శృతి జర్నలిస్ట్ పాత్రలో కనిపించనుందట. ఆమె పాత్ర ట్రెడిషనల్ గా ఉంటుందని తెలుస్తోంది. కథ ప్రకారం.. ఆమె పాత్రకు మంచి ప్రాముఖ్యత ఉంటుందట. మరి ఈ వెబ్ సిరీస్ తోనైనా.. శృతి సక్సెస్ అందుకుంటుందేమో చూడాలి!
Most Recommended Video
అధికారిక ప్రకటన ఇచ్చారు.. కానీ సినిమా ఆగిపోయింది..!
‘పుష్ప’లో 20కిపైగా తప్పులు… చూశారా!
అన్ని హిట్లు కొట్టినా చైతన్య స్టార్ ఇమేజ్ కు దూరం… ఆ 10 రీజన్స్ వల్లేనట..!
