విమర్శలకు గట్టిగా సమాధానం ఇచ్చిన శృతిహాసన్

బాలీవుడ్ సినిమాతో వెండి తెరకు పరిచయమైన శృతిహాసన్, అక్కడ విజయం సాధించలేకపోవడంతో దక్షిణాది సినిమాలతో అదృష్టాన్ని పరీక్షించుకుంది. తెలుగు, తమిళంలో హిట్స్ అందుకొని మంచి పేరు తెచ్చుకుంది. అటు బాలీవుడ్ లోను తన ప్రతిభను నిరూపించుకోవాలని చాలా కాలం తర్వాత ‘బెహన్ హోగి తేరి’ అనే హిందీ మూవీ చేసింది. ఈ చిత్ర ప్రచారంలో భాగంగా ఉత్తరాదిన తిరుగుతున్న శృతి హాసన్ కి విమర్శలు నిద్ర లేకుండా చేస్తున్నాయి. శృతి బరువు పెరిగారని, అందం కోసం పెదాలకు ప్లాస్టిక్ సర్జరీ చేయించుకున్నారనే వార్తలు సోషల్ మీడియాలో హల్ చల్ చేస్తున్నాయి.

దీని గురించి ఆమెను మీడియా అడగగా.. దీటైన సమాధానం చెప్పింది. ‘సినిమాల్లో అందంగా కనిపించాలనే రకరకాల ప్రయత్నాలు చేస్తుంటాం. అందులో భాగమే బరువు పెరగడం. పాత్ర డిమాండ్ చేసింది కాబట్టి లావు అయ్యాను. ఈ విషయంపై ఎవరికీ వివరణ ఇచ్చుకోవాల్సిన అవసరం నాకు లేదు. అంతేకాకుండా అందరి విమర్శలను పట్టించుకునే సమయం కూడా నాకు లేదు” అని శృతి గట్టిగానే చెప్పింది.

Also, do SUBSCRIBE to our YouTube channel to get latest Tollywood updates.