విశ్వనటుడు కమల్ హాసన్ కుమార్తె శృతి హాసన్ ప్రస్తుతం బిజీగా ఉంది. ఆమె కెరీర్ తొలి నాళ్లలో హిందీ, తమిళం, తెలుగు చిత్రాల్లో నటించినా హిట్ అందుకోలేక పోయింది. గబ్బర్ సింగ్ తో హిట్ ట్రాక్ లోకి వచ్చిన ఈ భామ శ్రీమంతుడు సినిమాకు ఉత్తమ నటిగా సైమా అవార్డు అందుకుంది. ప్రస్తుతం శృతి సూర్య సరసన సింగం త్రీ (ఎస్ -3 )లో నటిస్తోంది. అలాగే తెలుగులో ప్రేమమ్ సినిమాలో నాగ చైతన్యతో రొమాన్స్ చేయనుంది.
తండ్రి కమల్ హాసన్ హీరోగా నటిస్తూ దర్శకత్వం వహిస్తున్న “శెభాష్ నాయుడు” మూవీ లోను నటిస్తోంది. చేతినిండా సినిమాలో బిజీగా ఉన్న ఈ భామ మ్యూజిక్ ఆల్బమ్ విడుదల చేయడానికి శ్రమిస్తోంది. ఇంత క్రేజ్ ఉండడంతో ఈ సుందరికి ప్రముఖ మ్యాగజైన్లకు చెందిన వారు క్యూ కడుతున్నారు. వారి కోరిక మేరకు కవర్ పేజీ పై హాట్ హాట్ గా ఫోజులు ఇస్తోంది. ఇదే విషయమై శృతిని “మీరు కవర్ పేజీల కోసం అందాలు ఆరబోయడంలో హద్దులు దాటేస్తున్నారు” అని కొందరు అడిగారు. దీంతో ఈ బ్యూటీకి కోపం వచ్చింది.
“కథానాయిక అంటే గ్లామర్ గానే నటించాలి. కనిపించాలి. అందరూ హీరోయిన్ల లాగా నేను డ్రస్సులు వేస్తున్నాను. నా రూపం హాట్ గా ఉండడంతో మీకు హద్దులు దాటుతున్నట్లు అనిపిస్తోంది. అంతే తప్ప నేను గ్లామర్ విషయంలో గీత దాటలేదు. నాకు ఆ అవసరం కూడా లేదు” అని శృతి చెప్పింది. కమల్ తనయురాలు నటనతో పాటు మాటలను కూడా బాగా నేర్చింది అని సినీ వర్గాల వారు అనుకుంటున్నారు.
Home