ఈ మధ్య కాలంలో పెద్ద సినిమాల రీరిలీజ్ ట్రెండ్ నడుస్తోంది. వాలెంటైన్స్ డే సందర్భంగా ఏడు సినిమాలు బాక్సాఫీస్ వద్ద రీరిలీజ్ కాగా ఆ సినిమాలలో ఓయ్ సినిమాకు మంచి రెస్పాన్స్ వచ్చింది. అయితే మార్చి నెల 1వ తేదీన కిక్, మార్చి నెల 2వ తేదీన సమరసింహారెడ్డి సినిమాలు రీరిలీజ్ కానున్న సంగతి తెలిసిందే. ఈ సినిమాలకు పోటీగా జూనియర్ ఎన్టీఆర్ సింహాద్రి మూవీ కూడా రీరిలీజ్ కానుందని తెలుస్తోంది.
ఇప్పటికే ఒకసారి రీరిలీజ్ అయిన సింహాద్రి (Simhadri) సినిమాకు అప్పట్లో మంచి రెస్పాన్స్ రావడంతో మళ్లీ రీరిలీజ్ చేస్తున్నట్టు తెలుస్తోంది. అయితే గతంలో చేసిన స్థాయిలో ఈసారి మాత్రం ఈ సినిమాకు ప్రమోషన్స్ అయితే చేయడం లేదు. పెద్దగా ప్రమోషన్స్ లేకుండానే రీరిలీజ్ అవుతున్న ఈ సినిమాకు ప్రేక్షకుల నుంచి ఎలాంటి రెస్పాన్స్ వస్తుందో చూడాలి. మరోవైపు బాబాయ్, అబ్బాయ్ బాక్సాఫీస్ వద్ద పోటీ పడుతుండటం హాట్ టాపిక్ అవుతోంది.
గతంలో బాలయ్య డిక్టేటర్, జూనియర్ ఎన్టీఆర్ నాన్నకు ప్రేమతో బాక్సాఫీస్ వద్ద పోటీ పడగా ఈ సినిమాలలో నాన్నకు ప్రేమతో సినిమా బాక్సాఫీస్ వద్ద విజేతగా నిలిచింది. సింహాద్రి వర్సెస్ సమరసింహారెడ్డి బాక్సాఫీస్ పోటీలో ఏ సినిమా కలెక్షన్ల పరంగా పైచేయి సాధిస్తుందో చూడాలి. కిక్ రీరిలీజ్ కు కూడా అంచనాలకు మించి రెస్పాన్స్ వస్తుందని మాస్ మహారాజ్ ఫ్యాన్స్ భావిస్తున్నారు.
మరోవైపు మార్చి నెల 1వ తేదీన వరుణ్ తేజ్ ఆపరేషన్ వాలంటైన్ సినిమాతో ప్రేక్షకుల ముందుకు రానున్నారు. ఈ సినిమా ట్రైలర్ కు మంచి రెస్పాన్స్ వస్తోంది. ఈ సినిమాకు వరుణ్ తేజ్ భారీ స్థాయిలో ప్రమోషన్స్ చేస్తున్నారు. ప్రస్తుతం థియేటర్లలో రన్ అవుతున్న సినిమాలేవీ చెప్పుకోదగ్గ స్థాయిలో కలెక్షన్లను సాధించడం లేదు. ఈ వారం విడుదలవుతున్న సినిమాలలో సుందరం మాస్టర్ సినిమాపై మంచి అంచనాలు ఏర్పడ్డాయి.
‘యానిమల్’ ఫైనల్ గా ఎంత కలెక్ట్ చేసింది.. లాభం ఎంత?
ఈ వారం థియేటర్/ ఓటీటీల్లో స్ట్రీమింగ్ కాబోతున్న 15 సినిమాలు/ సిరీస్ .. ల లిస్ట్.!
కోపంతో ఊగిపోయిన మిడ్ రేంజ్ హీరో.. ఏం అయ్యిందంటే?
Home