పెళ్లయిన 16 రోజులకే అతని స్వరూపం బయటపడింది!

November 7, 2022 / 01:39 PM ISTByFilmy Focus

Join Us

పెళ్లయిన 16 రోజులకే అతని స్వరూపం బయటపడింది!

భీమవరం బుల్లోడు సినిమా ద్వారా తెలుగు ప్రేక్షకులకు హీరోయిన్గా పరిచయమయ్యారు నటి ఎస్తేర్. ఈమె పలు సినిమాలలో నటించిన ఇండస్ట్రీలో పెద్దగా సక్సెస్ కాకపోవడంతో సింగర్ నోయల్ తో ప్రేమలో పడి తనని ప్రేమ వివాహం చేసుకున్నారు.ఇలా వీరిద్దరూ అంగరంగ వైభవంగా వివాహం చేసుకున్నప్పటికీ వీరి వివాహం మూడు నాలుగు ముచ్చటగానే మిగిలిపోయింది. పెళ్లయిన ఆరు నెలలకే ఈ దంపతులు విడాకులు తీసుకొని విడిపోయారు. ఈ విధంగా విడాకుల తర్వాత ఎస్తర్ తన సినిమా పనులలో బిజీగా ఉన్నారు.

ప్రస్తుతం వరుస సినిమాలతో ఎంతో బిజీగా ఉన్నటువంటి ఈమె తాజాగా ఒక యూట్యూబ్ ఛానల్ ఇంటర్వ్యూలో పాల్గొని తన విడాకుల గురించి పలు ఆసక్తికరమైన విషయాలను వెల్లడించారు. విడాకుల తర్వాత నోయల్ తనని పెద్ద ఎత్తున చెడుగా చిత్రీకరించి తాను సేఫ్ జోన్ లో ఉన్నారని ఈమె ఆవేదన వ్యక్తం చేశారు.విడాకులు ఇచ్చిన మరుక్షణమే ఆయన బిగ్ బాస్ కార్యక్రమానికి వెళ్లి పెద్ద ఎత్తున సింపతి సంపాదించుకున్నారని ఈమె మండిపడ్డారు.

నేనే తప్పు చేశాననే విధంగా చిత్రీకరించడంతో నాపట్ల సోషల్ మీడియాలో పెద్ద ఎత్తున ట్రోల్స్ రావడం మొదలయ్యాయి. ఇలా ఓ వ్యక్తి నా గురించి ట్రోల్ చేస్తూ హైదరాబాదులో కనుక నేను కనిపిస్తే నాపై యాసిడ్ పోస్తానని బెదిరించారు అంటూ ఈమె షాకింగ్ కామెంట్స్ చేశారు.అయితే తను ఎంత సింపతి క్రియేట్ చేసుకున్న నిజా నిజాలు ఏంటో నాకు మాత్రమే తెలుసని, నోయల్ నమ్మకాన్ని బ్రేక్ చేశారంటూ ఈమె తన మాజీ భర్త గురించి తెలియజేశారు.

Singer Noel Sean, Actress Ester Noronha got divorced1

ఇకపోతే నోయల్ మంచిగా కనిపించినప్పటికీ ఆయనలో మరో కోణం దాగి ఉందని పెళ్లయిన 16 రోజులకే తన నిజ స్వరూపం బయటపడటంతో అలాంటి వ్యక్తితో తాను కలిసి ప్రయాణం చేయలేనని భావించి తన నుంచి విడాకులు తీసుకున్నాను అంటూ ఈ సందర్భంగా ఎస్తర్ చేసినటువంటి ఈ కామెంట్స్ సోషల్ మీడియాలో వైరల్ గా మారాయి.